Natabog sang isa ka yunit sang Bagong Hukbong Bayan-Mindoro (Lucio de Guzman Command) ang manughugpa nga helikopter nga S70i Black Hawk sang Armed Forces of the Philippines pagkatapos ini nga palukpan sa San Jose, Occidental Mindoro sang Enero 9.

Manughugpa na tani ang amo nga helikopter sa Sityo Mantay, Barangay Monte Claro para idul-ong ang mga upisyal sang AFP Southern Luzon Command. Dumalahan sang amo nga mga upisyal, upod si Solcom Chief Lt. General Antonio Parlade, Jr. ang programa sang pilit nga pagpasurender sa mga residente.

Napilitan sanday Parlade nga maglakat na lang pakadto sa masunod nga baryo samtang napalibutan sang mga suldado para makahalin sa lugar.

Samtang, isa ka helikopter nga Huey (UH-IH) sang AFP ang bumagsak sa Sityo Nahigit, Barangay Bulonay, Impasug-ong, Bukidnon sang Enero 16. Anom ka beses nagpabalik-balik ang amo nga helikopter nga nagahimo sang pagmonitor kag nagdeliber sang suplay sa nagaoperasyon nga mga suldado sa mga dulunan sang Misamis Oriental, Agusan del Sur kag Bukidnon. Bangud diri, ginmandu sang Department of National Defense ang temporaryo nga pagpauntat sa paggamit sang mga Huey nga helikopter.