Duha ka ahenteng paniktik sa 15th IB ang napatay sa ambus sa Bagong Hukbong Bayan (BHB)-Southwest Negros (Armando Sumayang Jr. Command) niadtong Abril 3 sa Sityo Cambaga, Yaoyao, Cauayan, Negros Occidental. Nakuha kanila ang usa ka .45 kalibreng pistola, usa ka 9mm Glock ug mga dokumento sa identidad. Pagkahapon, upat ka sundalo sa 15th IB ang napatay sa usa ka engkwentro sa yunit sa BHB.

Niadtong Abril 13, usa pa ka pistola ang nasakmit gikan sa aktibong ahente sa 7th Intelligence Service Unit sa Barangay Consing, E.B. Magalona, Negros Occidental.

Usa ka adlaw ayha niini, tulo ka backhoe ang giparalisa sa BHB-North Negros sa Barangay E. Lopez, Silay City. Gigamit ang mga backhoe sa operasyong kwari sa maong lugar nga nahimong bunga sa grabeng pagbaha ug pagkaguba sa kinaiyahan. Gibanabana nga mokabot sa ₱16.6 milyon ang kantidad niini nga gipanag-iyahan ni Mayor Mark Andrew Golez sa Silay City.