Dinisarmahan sang mga Pulang hangaway ang mga armadong gwardya sang MRI Construction Company sa Barangay Zone 3, Lanuza, Surigao del Sur. Nakumpiska sa amo nga opensiba ang duha ka ripleng M16, isa ka shotgun, isa ka kalibre .45 pistola kag isa pa ka gamit militar. Napatay sa aksyong militar ang isa ka gwardya kag isa ka elemento sang CAFGU. Ginapanag-iyahan ni Paulo Lopez, himata ni Rep. Prospero Pichay Jr., ang kumpanya.

Kadungan sini, gin-ambus sang Bagong Hukbong Bayan (BHB)-Surigao del Sur ang mga pulis nga sakay sa patrol car nga nagresponder sa insidente. Ginpalukpan man sang BHB ang isa pa ka yunit sang Regional Mobile Group nga nagahulat sa lugar.

Sa Samar, madinalag-on nga napalayas sang BHB-Northern Samar ang mga tropa sang 20th IB nga nagalunsar sang Retooled Community Support Program (RCSP) sa mga barangay sang Epaw kag Sag-od sa Las Navas. Sang Hunyo 18 tubtob 19, gin-isnayp sang mga Pulang hangaway ang mga suldado nga nagaoperasyon sa Barangay Epaw. Antes sini, ginpalukpan man sang BHB ang mga elemento sang 20th IB nga nagakampo sa dulunan sang Barangay Epaw kag Barangay Sag-od.

Halin Hunyo 21 wala pa magsulod liwat ang mga tropa sang AFP para mag-RCSP sa amo nga mga barangay.