75-tuig sang neokolonyalismo. Naglunsar sang isa ka raling kilat ang isa ka gatos nga pamatan-on sa atubang sang Embahada sang United States sa Pasay City sang Hulyo 4. Sa pagpanguna sang League of Filipino Students, ginaduso sang pamatan-on ang pagbasura sang Visiting Forces Agreement, Enhanced Defense Cooperation Agreement kag tanan nga indi patas nga mga kasugtanan kag tratado sa tunga sang duha ka pungsod. Ginkundenar man nila ang hayagan nga pagpaka-tuta sang rehimeng Duterte sa US kag pagbaligya sa soberanya sang pungsod.

Protestang Pride. Nagtipon ang mga LGBTQ+ kag ila mga suporter sa Bantayog ng mga Bayani, Quezon City sang Hunyo 26 bilang pagsaulog sa Pride Month o bulan sang pagkilala sa mga kinamatarung sang LGBTQ+ kag pagbato sa diskriminasyon. Ginpangunahan ang protesta sang Bahaghari kag Metro Manila Pride. Naglunsar man sang tagsa-tagsa ka protestang pride ang mga organisasyon sa Pampanga kag Laguna.

Anti-Terrorism Law, ibasura. Nagprotesta ang mga pungsodnon-demokratiko nga organisasyon sang Hulyo 6 sa atubang sang Korte Suprema sa Padre Faura, Manila City para iduso ang pagbasura sang Anti-Terror Law sang rehimeng Duterte. Una nga anibersaryo sang mapiguson nga layi sang Hulyo 3 kag nagapabilin nga wala pa sang sabat ang Korte Suprema sa mga petisyon batuk diri.