Idi Mayo 1, kadua a nagmartsa dagiti mangmangged dagiti drayber ken opereytor ti dyip iti sidong ti grupo a Piston ken Manibela tapno ipabasura ti Public Utility Vehicle Modernization Program (PUVMP) ken kagiddan daytoy a puersado a konsolidasyon ti prangkisa. Daytoy ti kulminasyon ti 3-aldaw a tigil-pasada ken kampuhan da. Inrupir da nga isubli ti 5-tawen nga indibidwal a prangkisa para iti pagbiagan da.

Iti umuna nga aldaw idi Abril 29, intakder dagiti timpuyog ti drayber ken opereytor, kadua da dagiti agtutubo ken dagiti tagasuporta da, dagiti sentro ti welga kadagiti kangrunaan a lugar iti Metro Manila ken Southern Tagalog. Intakder da ti kampuhan iti Liwasang Bonifacio iti rabii. Naikasa met dagiti tigil-pasada ken tignay idiay Baguio City, Calamba, Sta. Rosa, ken Cabuyao idiay Laguna, idiay Rizal, Legazpi City, Cebu City, Bacolod City, Iloilo City ken Davao City.

Nagisumite met idi Abril 29 ti Piston ti nayon a petisyon iti Korte Suprema tapno agiparuk-at ti temporary restraining order laban iti PUVMP. Sakbay daytoy, nagpiket da met iti korte idi Abril 23 tapno iduron nga agdesisyon iti umuna a petisyon da.

Kabayatan na, balbaliw a nagprotesta dagiti drayber ken opereytor a kamkameng ti Manibela iti Metro Manila idi Mayo 6.