Earth Day: Protesta kontra reklamasyon. Nagtitipon dagiti mangngalap, grupo a maka-kalikasan, dagiti tao ti simbaaan ken residente dagiti komunidad iti aglawlaw ti Manila Bay iti maysa a porum ken protesta iti Caloocan City ken Navotas City idi Abril 20, kas paset ti pananglagip iti Earth Day idi Abril 22. Inpaganetget da ti kadagusan a panangpasardeng iti makadadael a Navotas Bay Reclamation Project ken dadduma pay a reklamasyon ken dredging iti Manila Bay ken iti dadduma a paset ti pagilian.

Iparang ni William Lariosa. Balbaliw nga inpanawagan ti Kilusang Mayo Uno-Southern Mindanao Region ken Anakbayan-Southern Mindanao iti maysa a protesta idi Abril 25 iti Davao City ti kadagusan a panangiparang iti nadukot nga organisador dagiti mangmangged a ni William Lariosa, 63. Dinukot isuna dagiti ahente ti 48th IB idi Abril 10 iti Barangay Butong, Quezon, Bukidnon.

Piket para iti CBA. Balbaliw a nagprotesta dagiti mangmangged ti PhilFoods Fresh Baked Product Inc iti National Conciliation and Mediation Board Region IV-A iti Calamba, Laguna idi Abril 24 tapno kundenaren ti deadlock wenno panagkedked ti kapitalista ti PhilFoods nga ited ti nayon a sueldo ken dagiti benepisyo a dawdawaten da iti CBA.

Maika-13 a Sangalubongan nga Aldaw ti Nawaya a Panagiyebkas. Nagiyasayangkat ti protesta dagiti peryodista ken estudyante ti peryodismo idi Mayo 3 tapno lagipen ti maika-32 a Sangalubongan nga Aldaw ti Nawaya a Panagiyebkas. Insayangkat da ti tignay idiay UP Diliman ken Boy Scout Monument iti Quezon City ken nagpanawagan da ti hustisya para iti amin a napapatay a peryodista ken biktima ti panaglabsing iti karbengan iti nawaya a panagiyebkas iti pagilian. Iti umuna a 22 a bulan iti poder ti rehimen Marcos, naimaldit dagiti grupo ti 135 insidente ti panaglabsing iti karbengan iti nawaya a panagiyebkas.