Ginsering yana ni Fr. Santiago “Ka Sanny” Salas, tagapagyakan han NDF-EV, nga an 15th Pacific Partnership exercises nga ginpapamunuan han US ngan nagpapamatuod nga nagkukusog an interbensyon militar han US ha nasud. Segun kan Fr. Salas, kaparte an mga humanitarian and disaster relief operations han pankabug-usan nga panmilitar nga interbensyon han US agud dugang nga pahugton an pagkatin hini ha Pilipinas. Ginpahinumdom ni Salas nga bumulig an mga tropa han US kahuman han bagyo Yolanda 2014, ngan gin-gamit ini agud parig-unon an Enhanced Defense Cooperation Agreement o EDCA nga nagtugot ha pagbabase han US troops ha nasud. Yana nagpapahamot an US agud pahugton an Mutual Defense Treaty nga nag-oobligar nga magin alyado han US ha panahon han gerra. Nanawagan hi Fr. Salas nga atuhan an Pacific Partnership exercises nga bubuhaton ha syudad han Tacloban hini nga Marso 10 tubtub 24, tindugan an nasyunal nga demokrasya, ngan ibasura an ngatanan nga diri-pantay nga tratado militar nga naghihigiot ha Pilipinas ha mga imperyalista nga interes.#