Madinalagon nga ginsilutan sang isa ka team sang Armando Sumayang Jr Command sang New People’s Army Southwest Negros Front (ASJC-NPA) ang duha ka combat intel sang 47th IB sang AFP.

Gin-ambus sang ASJC-NPA sila Staff Sergeant Ken Camelan kag Sergeant Regie Glendro samtang naglabay ang motor nga ginsakyan sa Sitio Camboguiot, Barangay Camindangan, Sipalay City, Negros Occidental sang Nobyembre 24. Dead on the spot ang duha kag nakumpiska ang duha ka 45-calibre nga armas kag mga bala, tatlo ka magasin, duha ka android cellphone, kag isa ka granada.

Ang amu nga intel unit sang 47th IB nagapamahug sang pumuluyo kag tungang gab-i nagakadto ini sa mga panimalay na ila ginpasibangdan nga nagasuporta sa NPA. Ginpamahug man nila ang pamilya sang mga kaupod kag gina-psywar agud mangin instrumento sang ila kontra insurhensiya nga kampanya.

Sadtong Marso 2019, sila mismo ang responsable sa pag-ambus kag pagpatay kay Ka Bred sa Sitio Cambaldez, Barangay Maricalum, Sipalay City, Negros Occidental.

Bangud sa subsob nga militarisasyon sa kaumhan, wala iban nga dangpanan ang pumuluyo kundi ang iya armado nga hangaway. Nagasinggitan sang hustisya ang pumuluyo nga amu ang numero uno nga biktima sa terorismo sang reaksyonaryo nga estado.

Magaserbi ini nga paandam sa mga espiya sang AFP-PNP kag sa ila mga lokal intel asset. Kinahanglan nga magbayad ang ila nga mga maduguon nga kamot bangud sa ila pagpanghalit sa kabuhi, pangabuhian, pagpang-into kag pugos na pagpakooperar kag pagpasurender sa pumuluyo, kag ilabi na sa nagadamo na nga kaso sang EJK.