Si Joven Pasinabo, 24 anyos, soltero sang sityo Panagtugas, Brgy Trinidad, Guihulngan kag Nene Tobias legal ang edad sang Brgy Montilla, Moises Padilla, ang mga masupog nga intel asset sang 62nd IB nga nagagiya sa mga operasyon militar sa mga binukid sang Guihulngan kag Moises Padilla. Sila ang nagapangsaka-saka sang mga kabalayan kag nagapamahug sang pumuluyo sa mga nasambit nga lugar. Responsable man sila sa pagpilit sa mga inosenteng sibilyan sa pagpasurender para makakwarta. Samtang si Nene Tobias ang may 4 ka kasong “rape” nga wala gin-atubang sa rebolusyonaryong kahublagan. Si Pasinabo kag Tobias ang legitimate military target sang NPA.

Sandig sa desisyon sang Rebolusyonaryong Korte sang Pumuluyo tuig 2023, ginpamatbatan ang duha (Joven kag Nene) sang silot nga kamatayon. Patay si Joven kag Nene alas 10:30 kagab-i, Abril 18, 2023 sa sityo Cambairan, Brgy Trinidad, Guihulngan, Negros Oriental.

Ginadayaw sang Leonardo Panaligan Command ang madinalag-on nga partisan operation batok sa mga ahente militar. Ini ang kongkreto nga sabat sang NPA sa lapnagon nga militarisasyon sa Central Negros kag padayon nga pagbayolar sang 62nd IB sa tawhanon nga kinamatarung sang pumuluyo sa kaumahan.

Mabuhay ang CPP-NPA-NDF! Mabuhay ang masa sang pumuluyo! Mabuhay ang Demokratiko nga Rebolusyon sang Banwa kag pangmalawigon nga inaway banwa!