Oktobre 27- niabot ang usa ka kolum sa 62nd IB sa barangay hall sa barangay Trinidad, Gihulngan City, Negros Oriental. Gipatawag niini ang mga barangay oficials para sa usa ka miting nga aadunay kalambigitan sa pagpasurender sa mga gisuspetsahan nilang myembro sa New Peple’s Army o NPA sa ilang lugar.

Sa maong adlaw gihapon, niabot ang lain pa nga usa ka kolum sakay sa usa ka Reo sa Sityo Candalanon, sakop gihapon sa maong barangay. Ni-intak kini pagkahapon sa tropa nga naa sa Proper.

Oktobre 28- usa ka kolum sa nasambit nga militar ang naabot sa Sityo Kalambya sa amo gihapon nga barangay. Gipangsaka nila ang mga kabalayan sa mga gisuspetsahan nilang mga myembro ug taga-suporta sa rebolusyonaryong grupo.

Lain man nga kolum ang nagapangsulahog sa mga lasang sa Sityo Gusa, Barangay Budlasan, Canlaon City, Negros Oriental gikan Oktobre 28 hangtod Nobyembre 2.

Adunay laing lihok usab sa usa ka kolum sa 62nd IB sa Sityo Binil-iwan, Brgy. Calupaan, Guihulngan City sa maong mga petsa.

Oktobre 29- gipatawag ang tanang residente sa Barangay Triidad para sa usa ka asembiya. Gipresentar sa mga pasistang militar ang mga pictures sa mga target nilang pabalikon sa sabakan sa reaksyonaryong gobyerno ug nanghatag og mga E-CLIP leaflets sa mga residente.

Nobyembre 2- namatikdan ang unom ka tawo nga nakasibilyan nga adunay dala nga mga sako. Suno sa mga report, nagmotor kini ug nipauli lang pagkahapon. Apan niadtong Nobyembre 4, nakit-an na usab sa maong lugar ang lima ka nakasibilyan nga adunay dala gihapon nga mga sako nga ninaug gikan sa motor. Giadto sa maong grupo ang balay sa mga gipangtudlo sa mga surrenderees nga kauban kuno nila sauna. Nailhan sa mga lumulupyo silang Reymart Dayanan, Yuling Landeza ug Orlan de la Peña nga uban sa mga militar sa pagsaka sa mga balay-balay ug pagpanghadlok sa mga masa.

Noyembre 5- pasado alas-7:00 sa buntag, giransak sa 16 ka sundalo sa 62nd IB ang balay ni Loring Geronimo ug gipangita ang bana sa iyang anak sa Sityo Punong, sakop gihapon sa maong barangay. Gitionan si Geronimo og pusil ug gipailalom ang iyang pamilya sa interogasyon.

Gisaka usab sa lain pang grupo sa pasistang 62nd IB ang balay ni Helen Bardok sa Sityo Laos, Barangay Binobohan, Guihulngan City samtang naa siya sa trabaho.

Mag-amping ang tanan sa mga dugang pang posibleng pagpanglapas sa tawhanong katungod nga i-komiter sa pasistang itoy sa US-Marcos Jr nga rehimen.