Subay sa nakuhang mga datus, adunay nahitabong paglapas sa tawhanong katungod panahon sa gihimong operasyon sa 62nd Infantry Battalion uban ang mga surrenderees nga silang Reymart Dayanan, Yuling Landeza, Orlan dela Peña, Junbim Vargasa sa Sityo Ponong, Barangay Trinidad, Guihulngan City, Negros Oriental niadtong Nobyembre 5.

Gi-interogar sa pasistang tropa sa estado ang pamilyang Dayono ug Geronimo kabahin sa mga partikular nga personalidad nga gisuspetsahang miyembro sa New Peple’s Arrmy (NPA) sa ilang komunidad. Direkta nga nipartisipar sa interogasyon ug panghadlok si Yuling Landeza nga usa nga supog nga traydor sa rebolusyon ug gani nisaka pa sa balay nga walay pahanugot sa tagbalay.

Gitionan usab ug pusil si Loring Geronimo sa usa ka tropang militar samtang gipailalom siya sa interogasyon. Ang apo niini nga si Jumong Dayono, usa ka menor de edad, pisikal man nga gi-abusaran sa pwersa sa estado, rason sa paghubag sa kilid sa iyang tiyan.

Giawhag ang mga lumulupyo nga dili magkahadlok sa pagbarog para sa tawhanong katungod. Atubangan sa grabeng pagpamig-ot ug pagpahimulos, mas kinahanglan nga itaas ang kamao ug mukuyog sa pagpanday sa usa ka katilingban nga adunay sosyal nga hustisya ug tinud-anay nga paglambo ug demokrsya.

Samtang wala natapos ang 62nd IB sa pagpakuyanap ug kahadlok ug kagubot sa Barangay Trinidad, Guihulngan City. Partikular sa Sityo Manlibod, adunay nadugang sa listahan sa mga biktima sa paglapas sa tawhanong katungod nga gikomitar sa nahisgutang tropa sa pasistang estado.

Gahapon, Nobyembre 8, gikulata sa mga uhaw sa gyera nga 62nd IB ang mangunguma nga si Boyet Opsar, 38 anyos, residente sa maong sityo. Kabuntagon sa maong adlaw, giadto siya sa tropang militar uban ang surrenderee nga si Yuling Landeza. Sama sa mga niaging binuhatan ni Landeza aron makatilaw sa kwartang gisaad-saad sa 62nd IB, gi-akusaran niya si Opsar nga isa kini kaa miyembro sa New People’s Army (NPA).

Walay basehan ang mga istoryang gibuhian ni Landeza. Saksi ang mga lumulupyo sa lugar nga nagtuyok ang kinabuhi ni Opsar sa pagpanguma uban ang iyang pamilya.

Base sa sunod-sunod nga krimen nga gibuhat sa 62nd IB, angay lang nga palanugon ang panawagan nga ihunong ang militarisasyon sa kabukiran.Gisuka sa mga lumulupyo ang mga pasistang militar sama sa pagsuka nila sa amo niining mga irong buang nga si Marcos Jr uban ang nagaharing hut-ong.