Lubos nga ginakundenar sang Romeo Nanta Command-New People’s Army (RNC-NPA) ang 94th IB sa ila nga pagpamahog nga tiruhon ang mag-asawa nga Awis kag Gamay Tasi kag ila mga silingan sa Sitio Kambudlis, Barangay Mahalang, Himamaylan City, Negros Occidental kahapon, Enero 3. Pagkatapos sang pagpahog, gintamnan sila sang mga manugbo nga kalibre nga armas kag ginpasibangdan nga mga tigsuporta sang NPA.

Suno sa inisyal nga mga report, ang mga tropa militar nag-operasyon halin pa sang Disyembre 31, 2024 sa lugar. Klaro lang nga ang deklarasyon nga ‘dismantled’ nga larangan gerilya isa ka pagpanginto bangud sa padayon nga pasistang pagpang-atake kag pagpanglapas sa tawhanon nga kinamatarung sang mga pumuluyo sa South Central Negros.

Madumdoman nga sang bulan man sang Disyembre 2024 gintiro ang payag ni Jesse ‘Totong’ Talaban kag ginhalitan ang iya mga tanom nga buyo nga amo ang iya nga pangabuhian. Sa maathag nga pag-istorya, ang 94th IB amo ang nagapanguna nga nagapanghalit sa pumuluyo sa lugar bangud sa ila wala untat nga militarisasyon.

Kinahanglan nga mabaskog nga ipakamalaot sang pumuluyo ang krimen sang 94th IB kag ipadayon ang ila nga pag-isa para sa pagtib-ong sa ila kinamatarong sa seguridad sa kabuhi kag pangabuhian.