Ginpapanaugan sang silot-kamatayon ang ex-CAFGU nga nangin intel nga si Marlo Galan ukon mas kilala sa iya alyas nga si Panoy sadtong Hunyo 08, 2026, alas 7 sang aga sa Sitio Mag-anay, Brgy. Bi-ao, Binalbagan, sa mga pulang hangaway idalum sang Romeo Nanta Command – NPA, South Central Negros Guerrilla Front.

Matapos ang maid-id nga imbestigasyon, napamatud-an ang nangin papel ni Panoy sa pagpa-reyd sa mga kaupod sadtong Enero 30, 2026 kon diin duha ka kaupod ang napatay lakip na ang sekretaryo sang Partido sa rehiyon nga si Reynalde “Ka Amek” Erecre. Antes pa sini, masupog na siya nga intel asset sang 94th IB nga nagaupod sang ila operasyon. Siya man ang ginasaligan dira sa erya sa pagpaniktik sa mga hulag sang mga rebolusyonaryong pwersa antes pa magsulod ang mga operasyong militar. Gani, ginasiguro niya ang seguridad sa mga tropa militar paagi sa pagsulahog sa mga katubuhan kag mga gagmay nga lati sa ila lugar.

Dugang ini nga pagpaandam sa tanang malain nga elemento sa erya kag sa mga aset sang militar kag kapulisan nga nagapanghalit sa kahublagan kag sa pangabuhian sang pumuluyo. Gani, gina-engganyo sang RNC-NPA nga mag-surrender na sila sa pinakamalapit nga yunit sa ila lugar. Bukas man ang mga pulang hukbo nga magdawat sa mga handa magbag-o kag mag-atubang sa ila mga sala kag kaso.