Wala untat ang ka pintas kag pagpamahug sang 47th IB sang Armed Fores of the Philippines (AFP) sa kaumhan sa Sur nga bahin sang Negros.

Sa sini lang nga bulan, ginpalupkan sang M203 ang usa ka mangunguma nga si Alfredo Dantes human nga nasukmongan siya sang mga tropa sang 47th IB nga nag operasyon sa Sitio Looc, Camindangan, Sipalay City. Si Dantes, may balatian, naglakat pakadto sang iya pamilya. Ginimbestigar siya human nga nasukmungan antes ginpalupkan sang 47th IB. Nakabatyag ug trauma si Dantes human sa sini nga panghitabo.

Sadtong Biyernes, Oktubre 20, 2022, pilit nga gin ihaw sang naga operasyon nga tropa sang 47th IB ang manok ni Regulo Sabugero sa Sitio Kutod, Camindangan, Sipalay City sang aga. Wala kini ginpahanugotan ni Regulo. Human gin-ihaw, gin biyaan lang sang army ang manok kag wala ini ginbayaran.

Ginkundina sang Armando Sumayang Jr. Command NPA ang walay untat nga pagpanghalit sang AFP sa kabuhi kag panginabuhian sang pumuluyo. Ang kapintas nila nagapamatuod nga hindi sila ang matuod nga nagaserbisyo sang pumuluyo. Lapas sa Internasyunal nga mga Laye sa Giyera ang pagpanghalit sang mga sibilyan sa tunga sang giyera sibil sang aton pungsod.

Agud mapangapinan ang pumuluyo kag masabat ang demanda nila, naglunsad sang harassment ang New Peoples Army – Armando Sumayang Jr. Command sa detatsment sang Pinggot, Ilog sadtong Oktubre 20, 2022 ala 7:00 sang gab-i. Sa atubang sang nagasingki nga inaway banwa, hugot-kusog kag pursigido ang New Peoples Army nga mahatagan ug hustisya ang pumuluyo kag madepensahan ilang interes kag tawhanong kinamatarong.