Ginapanginbulahan sang Leonardo Panaligan Command-New People’s Army (LPC-NPA) ang yunit sang NPA sa pursigido nga pagpatuman sang silot-kamatayon kay Eddie Delosendo sang Sityo Mainit, Barangay Bulado, Guihulngan City, Negros Oriental sadtong Enero 9, alas 7:30 sang gab-i.

Malawig na nga panahon nga ginareklamo sang pumuluyo sa lugar ang pagpang-abuso sa mga residente kag pagpaniktik ni Delosendo sa hulag sang NPA kag pagreport sini sa kapulisan sang Guihulngan City.

Si Delosendo ang masupog nga Intel Asset sang PNP-Guihulngan nga nagapanilag sa mga aktibidad sang rebolusyonaryong hublag. Direkta ini nga nagareport sa iya handler ilabe na sa mga pamilya Delara nga ginakabig nga mga masupog nga kontra-hublag kag mapintas sa mga pumuluyo sang Guihulngan City.

Responsable man si Delosendo sa pagpang-agaw sang mga kadutaan kag palangabuhian sang pumuluyo sa nasambit nga sityo. Ginahalitan tubtob sa pagpatay sang mga de-kantidad nga mga kasapatan sang mga mangunguma kaangay sa pagpatay sang karabaw, baka kag iban pa.

Masami ginareklamo ini sang mga biktima si Delosendo sa otoridad sang Guihulngan City, apang wala sang nagakaigo kag desaysibo nga tikang sa baylo mas nagasupog pa.

Nangin kinaandan na ni Delosendo ang pagpang-abuso sa pumuluyo sang Sityo Mainit bangud kay ginatolerar man ini ni Mayor Felomino “Mikoy” Reyes.

Maragtason na ang kapintas sang pamilya Delosendo sa pumuluyo sang Guihulngan, La Libertad, Vallehermoso tanan sang Negros Oriental lakip na ang banwa sang Isabela, Negros Occidental. Bantog sa kapintas ang nasambit nga pamilya kaangay sang pagpamatay, pagpanglugos, pagpanghold-up kag pagpangawat paagi sa ila amay sadto nga si Zequil Delosendo-lider sang panatiko nga grupo sang “Salvatore” diin ginsilotan man sang NPA sadtong tuig 1988.

Indi pagsundon ang mga malain, kontra-pumuluyo kag kontra-rebolusyon nga gawi ni Eddie Delosendo. Pabayaron man sang dako ang ara sa likod sang mga kalakasan ni Delosendo paagi sa NPA kag bug-os nga rebolusyonaryong kahublagan.###