Hustisya ang matunog nga singgitan sang mga kababaihan sa Central Negros batok sa pasismo sang estado nga ginkomiter sang Armed Forces of the Philippines, Philippine National Police, paramilitar kag iban pa nga mapintas nga makinaryas sang rehimeng US-Marcos Jr.

Lubos ang kalipay sang Makibaka-Central Negros nga maisog nga ginpatuman sang yunit sang Leonardo Panaligan Command-New People’s Army (LPC-NPA) ang pagsilot- patay kay Anthony Monreal sadtong Hunyo 12 alas 4:00 sang hapon sa Sityo Natuling, Barangay Budlasan, Canlaon City kadungan sa ginlunsar nga asud-asod nga opensiba sang LPC-NPA sa pagsug-alaw sa adlaw sang deklarasyon sang peke nga kahilwayan sa pungsod.

Ginapasalamatan man sang mga rebolusyonaryong kababaihan ang patas nga imbestigasyon kag pursigido nga paghulag sa pagpangita sang matuod nga hustisya sang rebolusyonaryong korte sang pumuluyo tuhoy sa brutal nga pagmasaker sang mga pasistang tropa sang 62nd IB paagi sa paggiya ni Anthony Monreal sa balay sang mag-iloy nga Cristina (nagabusong sang 5 ka bulan) kag Everley Lee Jacolbe (minor kag estudyante) lakip kay Rodan Montero sa Sityo Banderahan, Barangay Trinidad sakop sang Guihulngan City, Negros Oriental sadtong Hulyo 26, 2022 sang kaagahon. Luwas sang makasiligni nga pagpatay sa mag-iloy, ginkawat pa sang militar ang P40,000 nga tinaguan nga kwarta sang biktima para sa ila panginahanglanon.

Kon madumduman, bag-o pa nagpungko sa poder bilang Presidente sang pungsod Pilipinas si Ferdinand “Bongbong Marcos” Marcos Jr tal-os sa pasista nga rehimeng Rodrigo Duterte. Halin sa pasista nga pagginahum pakadto sa kaangay nga pasismong pagginahum ni Marcos Jr ang naghayag sa matuod nga duag kag bangkarote nga kinaiya sang malakolonyal kag malapyudal nga sosyedad Pilipino. Nagalawig sa poder si Marcos Jr, nagalaba man ang listahan sang mga paglapas sa tawhanon nga kinamatarung kaangay sang pagmasaker, extra-judicial killings, intimidasyon, impyunidad kag iban pa nga porma sang paglapas sa International Humanitarian Law kaangay sa natabo sa mag-iloy nga Jacolbe sa Central Negros kag iban pa nga mga biktima sa pungsodnon nga sakop.

Gani, hugot nga nagapati ang Makibaka-Central Negros nga ang hustisya indi ihatag sang reaksyonaryong estado kaangay sang rehimeng US-Marcos kag iban pa nga nagahari nga sahi nga nagapungko sa poder sa pumuluyo kundi ini ang ginahimakasan sang kadam-an nga pigos kag ginahimuslan nga pumuluyong Pilipino. Tingub nga nagahulag ang pumuluyo para sa isa ka pagbag-o sosyal dira sa pagpasakop sa armadong rebolusyon sa balayon sang Demokratiko nga Rebolusyon sang Banwa nga may sosyalistang perspektiba.

Labaw man nga nagapati ang mga rebolusyonaryong kababaihan sa Central Negros nga maangkon lamang ang tunay nga hustisya paagi sa armadong paghimakas nga ginausoy sang New People’s Army nga absoluto nga ginapamuan sang Communist Party of the Philippines upod ang suporta sang mga organisasyon masa idalum sa National Democratic Front of the Philippines.

Mabuhay ang CPP-NPA-NDF!
Mabuhay ang inaway banwa!
Mabuhay ang masa!