Napatay ang isa ka iloy nga mangunguma nga si Lolita Reman bangud sa grabeng troma nga iya naaguman matapos nga ginransak sang #DiMasaligan79IB ang ila balay sa Sityo Toril Barangay Bandila, Toboso, Negros Occidental sadtong Mayo 20, pasado alas-5:00 sang kaagahon. Ini ginpanag-iyahan sang pamilya Mahusay.

Samtang, sa isa pa ka insidente, na-stroke ang mangunguma nga si Boyet de Asis bangud sang pagpamahug sa pito ka tropa sang #DiMasaligan79IB nga gin-updan sang mga traydor sa rebolusyon nga sila Marlon Basalo alyas Elan kag alyas Jonel/Mike sa Sityo Kapanuyan, Barangay Minapasok, Calatrava, Negros Occidental kagahapon, Mayo 23.

Si Basalo taga Sityo Kinabong 3, Barangay Igmayaan, Don Salvador Benedicto, Negros Occidental samtang si Alyas Jonel/Mike taga Sityo Locsin sa amo gihapon nga barangay.

Naka-bonnet kag nakasibilyan ang nasambit nga militar. Nagapamalay-balay sila sa mga ginapasibangdan nga mga nagasuporta sang NPA.