Hugot nga nagapanindugan ang Leonardo Panaligan Command-New People’s Army nga wala sang lehitimo nga engkwentro sa tunga sang New People’s Army kag tropa sang 62nd IB sa sityo Upper Tiyos, Brgy Quinten, Moises Padilla las 5:00 sang aga, Abril 18, 2023 diin patay si Jose “Jojo” Albores, 32, may asawa kag isa ka bata. Wala sang NPA sa lugar luwas lang sang tropa sang 62nd IB nga naga-operasyon. Si Jose Albores indi gid katapo sang NPA kag saksi ang mga residente nga sibilyan, negosyante sang tabako kag mangunguma si Albores.

Butigon si B/Gen. Orlando Edralin, CO 303rd Bde PA nga nagapalayag sa media. Makahuluya nga ginahinabunan ni Edralin ang palpak nga operasyon sang nerbyuso nga tropang 62nd IB sa binukid sang Moises Padilla. Paano matabo ang engkwentro nga wala ka sang kontra? Gusto lang ni Edralin nga i-cover-up kag i-divert ang matuod nga hitabo kag isyu.

Lubos gid ginakondenar sang LPC-NPA ang pagbulad sang bangkay ni Jose Albores sa sulod sang isa ka adlaw sa isa ka mainit nga lugar, pagransak sang ila puluy-an kag pagkawat sang P50,000.00 nga kwarta sang nasambit nga pamilya Albores.

Ginakondenar man sang NPA ang padayon nga operasyon sang 150 ka tropa sang 62nd IB sa lugar, pagpangsaka-saka sa mga kabalayan sang mangunguma kag ginapahug kag pagpalupok nga “kooperar ukon patay.”

Ang pagtiner sang militar sa mga kabalayan sa komunidad sang mga mangunguma kag pagpamahug sa ila, klaro nga bayolasyon sa CARHRIHL kag laye sa gyera. Nagapamatuod lang nga desperado, mersenaryo, pasista kag berdugo ang AFP ilabe na ang 62nd IB.

Isulong ang inaway banwa kag silotan ang pasistang militar!