Malampuson nga natigayon sa isa ka yunit sang Roselyn Jean Pelle Command – New People’s Army (RJPC-NPA) Prenteng Gerilya sa norte nga bahin sang Negros sa pagsilot kang Eduardo Continedo Baynosa Sr. sadtong Oktubre 20, 2023 sa sentro sa banwa , sakop sang Sityo Quarry, Barangay Poblacion, Toboso, Negros Occidental.

Si Baynosa, minyo kag 56 anyos, ang anay katapo sang NPA nga madugay na nga wala sa serbisyo kag nangin kriminal batok sa pumuluyo kag traydor sa rebolusyon. Gireklamo siya sa mga pumuluyo sa pagpanglugos, kag pagpamahug. Bilang traydor sa rebolusyon, siya ang nangin giya sa mga operasyong kombat sa AFP kag pagpangransak sa mga panimalay, pagtudlo kag pugos nga pagpasurender, kag aktibo nga nagapangita sa mga pamilya, lakip ang mga kabataan, sa mga aktibo nga Pulang hangaway.

Sa pagpatuman sa silot kamatayon kang Baynosa, narekober sa mga operatiba sa RJPC-NPA ang iya mga ID sa CAFGU Active Auxiliary (CAA), mission order kag iban nga personal nga kagamitan.

Ang amo nga pagsilot nagapakita nga ang NPA sensiro kag seryosa nga malab-ot ang hustisya sosyal kag matuod-tuod nga nag-alagad sa mga pigos.

Kinahanglan maintiendihan sang mga kriminal kag kontra-rebolusyonaryo nga magapaningil ang pumuluyo paagi sang NPA sa inyo mga krimen nga kahimuan.

__
Download: PDF