Read in: Pilipino | English

Iti panggep a piliten dagiti sibilyan nga otoridad ti Mountain Province a makipaset iti nadara a kampanya nga “anti-insurgency,’ nagisayangkat ti 54th IBPA ti serye dagiti ‘peace dialogues’ kadagit municipal LGUs, Ti maysa ket naisayangkat ti baet da ken Sagada LGU ii Pebrero 19, ken iti Bontoc LGU idi Pebrero 26. Da itoy a dialogue ket moro-moro, ta dagitoy ket interamente nga adda iti kontrol ti militar. Dagiti lokal nga opisyal ket nagidatag kadagiti isyu kas ti nakaro a red-tagging ken pammutbuteng kadagiti community organizer, lider mannalon, ken organisasyon ti umili, ngem dagitoy ket naiyawawan laeng, Ti inaramid laeng ti 54th IB ket inlatag da dagiti a in-agin a maka-umili nga proyekto ti National Task Force to End Local Communist Armed Conflict, ken dagiti naisasaganan a deklarasyon kas persona-non-grata laban iti rebolusyonaryo a tignayan. Linappedan da met laeng a makipaset dagiti mangibagi kadagiti progresibo nga organisasyon. Bayat a maisaysayangkat dagiti lokal a dialogue iti antas munisipyo, saan ikaskaso ti 54th IB dagiti imbitasyon ti provincial LGU ti Mountain Province para iti maysa a dialogue.

Dagitoy a “peace dialogue” a kontrolado ti militar ket naisayangkat tapnu karkaro a paulimeken ti boses ti umili, ta saan met a napagtongtongan dagiti isyu ti umili. Saan a solbaren dagitoy dagit panaglabsing iti karbengarrtao kadagit kakailyan tayo. Saan a solbaren dagitoy ti armado a pannakidangadang ken pannakaburibor ti umili ditoy kaaw-awayan. Maaw-awagan ti amin nga LGU ti Mountain Province manipud barangay inggana probinsya a tumakder para iti umili, kondenaren dagiti panaglabsing ti 54th IB iti karbengan-tao, ken agpanawagan para iti pannakaituloy ti tongtongan kappia iti baet ti GRP ken NDFP. Maaw-awagan amin nga iMontanyosa a tumakder kontra iti panangokupar kadagiti militar kadagiti barbaryo tayo, depensaran dagiti kakailyan tayo a biktima ti red-tagging ken pammutbuteng ti AFP ken PNP, ken ituloy ti panangilaban kadagiti demokratiko a karbengan ken interes tayo.#