Ginsilotan kamatayon sang Leonardo Panaligan Command-New People’s Army si Brgy Kagawad Cenon “Nonie” Cadorna sang Brgy Tabon, Vallehermoso, Negros Oriental. Sandig sa pagpamatbat sang Rebolusyonaryong Korte sang Pumuluyo, ginpatuman ang madinalag-on nga pagsilot sa sityo Binakayan, Brgy Tabon, Vallehermoso alas 5:40 sang hapon Oktubre 17, 2022.

Si Brgy Kagawad Nonie Cadorna ang masupog nga intel asset sang 62nd IB sa nasambit nga baryo. Siya ang nagapamahug sa mga pumuluyo kag pilit nagapasurender sa mga inosenteng sibilyan kag ginapa-ako nga mga “suporter kag masa sang NPA.” Masupog man ini nga nagasunod sa aktibidad sang rebolusyonaryong kahublagan kag gilayon ginareport sa militar. Responsable man ini siya upod sa PNP kag Mobile Community Support and Sustainment Team (MCSST) sang 62nd IB nga nahamtang sa Brgy Tabon sa illegal nga pagpa-aresto, pagtanum sang armas-luthang kag iban pa nga hinimu-himo nga kaso kriminal batok kay Ramonito Mahinay sang Brgy Tabon, Vallehermoso. Madata man ang reklamo sang mga pumuluyo sa lugar angot sa iya paglapak sang kinamatrung kag dignidad sang kababaihan bangud sang iya pagkabahidor.

Si Kagawad Cadorna ang tatlo (3) na ka beses nga gin-istorya kag ginpaandaman sang New People’s Army sadtong tuig 2020 kaangot sa iya mga kalapasan sa rebolusyonaryong kahublagan. Tuig 2021 liwat naman nga gin-istorya apang wala gid gihapon nagbag-o kag labi pa nga nagsupog sa iya kontra-hublag kag anti-sosyal nga gawi partikular na ang wala respeto sa dignidad kag kinamatarung sang kababaihan.

Ang madinalag-on nga pagpatuman sang silot-kamatayon sang NPA kay Brgy Kagawad Cadorna, ang magserbe nga paandam sa tanan nga mga masupog nga intel assets sang pasistang AFP, PNP idalum sa “whole of nation” approach sang US-Marcos II paagi sa NTF-Elcac. Gina-athag man sang LPC-NPA nga indi tanan nga LGU’s ang mahimo nga target sang NPA kundi ang mga katapo lamang sang Local Government Units nga may kaangay nga gawi nga ginpakita ni Brgy Kagawad Nonie Cadorna.

Mabuhay ang CPP-NPA-NDF!
Mabuhay ang Demokratikong Rebolusyon sang Banwa!
Mabuhay ang masa!