Hulyo 26—may tropa sa 62nd IB ang daw mga irong gutom nga nangita sa presensya sa New People’s Army (NPA).

Duha ka kolum ang nakita sa mga sityo sa Tubod, Sampungan ug Tagbak; nga sakop sa Barangay Macagahay, Moises Padilla, Negros Occidental.

Gisaka ug gitineran og usa ka adlaw ug usa ka gabii sa mga pasistang sundalo ang balay ni Melanie Ogbaniel sa Sityo Sampungan, sa nasambit nga barangay. Walay tawo ang balay ni Ogbaniel niining panahona.

Samtang padayon gihapon ang operasyon sa nasambit nga militar sa Barangay Quintin Remo, Moises Padilla. Anaa ang duha ka kolum sa Sityo Agogolo nga nagtapok sa eskwelahan.

May laing tropa militar usab sa mga sityo sa Inarawis, Tibubong ug Tiyos; sakop sa nasambit nga barangay.

Hulyo 27—may nakita sab nga mga sundalo sa mga sityo sa Nahilig, Maluy-a ug Bonbon, sakop sa Barangay Hinakpan ug Sandayao, Guihulngan City, Negros Oriental.

May nakita sab nga mga pwersa militar sa Sityo Binil-iwan, Barangay Calupaan, sa nasambit nga syudad.

Sa Canlaon City, Negros Oriental nga bahin, may presensya man sa militar ang nakita sa mga sityo sa Natae, Nabuloan, Guibawan, Palaming, nga sakop sa mga barangay sa Binalbagan ug Bucalan.

Mag amping sa mga pagpang abuso sa 62nd IB. Pasistang sundalo, layas sa kabukiran!