Madamu nga mga pwersa sang 62nd IB ang naga-opeeasyon sa mga barangay sang Guihulngan City, Negros Oriental.

Hunyo 8-daw mga ido-buang ang mga pasistang tropa sang 62nd IB nga nqgapanglusob sa mga kabalayan sa Sityo Libas, Barangay Imelda. Nagpakilala nga mga katapo sang NPA sa mga residente. Gin-imbestigar sang nasambit nga pasistang tropa si Tata Magallano samtang ginkasahan sang armas. Pilit nga ginpapangita kag ginapatudlo kay Tata ang NPA sa ila lugar.

Hunyo 9, 2025-padayon man nga nakapakat ang halos 12 ka kolum nga naglab-ot sa masobra 300 ka tropa nga kumbinado sang Scout Rangers kag 62nd IB sa mga sityo sang Bulakaw kag Mag-aso sakop sang Barangay Binobohan. May ara man nga mga kolum militar sa mga sityo sang Salong, Balangubang, Kalubasa, Kansuhe, Kandalaga, Sumilang, Maculos kag Maka-angkob tanan sang Barangay Tacpao.

Nakalapta man ang mga militar sa mga sityo sang Anibong, Calakdog kag Antibalas sang Barangay Humay-humay.

Nakapakat man ang berdugong militar sa Sityo Magkanaway, Barangay Basak. Samtang may mga kolum man sang pasistang 62nd IB sa sakop sang Barangay Bulado.

Nagatiner ang militar sa panimalay sang pumuluyo, mga simbahan, barangay hall kag mga eskwelahan. Nagtuga ini sang kahadlok, kakugmat kag perwisyo ang presensya sang pasistang militar sa lugar. Haluson sila makapanguma sa pihak nga tigpugas subong nga panahon.

May iban man nga mangunguma nga nagareklamo sa pagpanglasak-lasak sang militar sa ila mga pananom kag mga mais nga bag-ong tinanom para sa sunod nila nga konsumo.

Sa pihak nga bahin, gikan sadtong Mayo 31 sang kaagahon tubtob subong Hunyo 9- nadisturbo kag nagakakugmat ang mga residente sa mga kaumahan sang Guihulngan City tuga sang ginahod kag binagrong sang mga drone sa tion sang ila katulugon sa kagab-ihon tubtob na sa kaagahon.

Madumduman, halin Mayo 24, pa ang wala-puas nga operasyon militar sa Central Negros ilabi na sa mga binukid sang Guihulngan kag Canlaon, Negros Oriental.