Partikular sa isla sang Panay, ang probinsya sang Iloilo ang ginbuhosan sang mga proyekto nga ini. Isa ang Jalaur Mega Dam nga proyekto nga ginbubuan sang P20 bilyones nga nagtuga sang pagkadula sang duta kag pagkapatay sang mga tumandok sang Panay. Makit-an man ini sa palpak kag wala pa matapos nga Ungka Flyover kung sa diin nagasto sang P989.5 milyones. Yara man ang depektibo nga Aganan Flyover nga nagabalor sang P1.1 bilyones, kag gindugangan sang P309 milyones para sa pagpakay-o. Sa primer (1st) distrito naman naga-balandra ang malapit 400 million na seawall projects na maga-tuga sang pagkadula pangabuhian sang ginatos ka mangingisda tungod wala na sila dungkaan sang bangka kag mabudlay na ang panahid sa baybayon.Nagguwa man sa gakatabo na senate hearing natuhoy sa mga proyekto nga ini nga 60% ang ginabulsa sang mga politiko kag kontraktor. Diri na bulgar man ang direkta ng koneksyon sang pila ka kongresista kag senador sa mga construction firms nga imbolbado, may iban nga direkta gina tag-iya sang pamilya kag iban naghatag donasyon sa kampanya sang eleksyon.

Sa atubang sang kaakig nga ini gapakuno-kuno ang papet nga si Marcos nga siya akig man sa mga korakot. Biskan pa nga tatlo na siya katuig sa poder bilang pinuno sang reaksyonaryo nga estado, kag linibo na ka proyekto pareho sini ang iya na pirmahan. Idugang pa diri ang iya 4.5 bilyon na confidential funds, suhol sa mga alipores, bayad-utang sa imperyalista, kag pamasismo sa pumuluyo. Naguwa man halin sa anay nga kongresista nga si Zaldy Co nga si Marcos Jr. Mismo nagpasingit sang P100 bilyones para sa 2025 badyet kag 25% ukon P25 bilyones ang nabaton nga kikbak ni Marcos. Si Marcos kag Duterte ang hari kag reyna sang korapsyon, halin sa badyet confidential kag intelligence funds, flood control projects, infrastructure projects kag mga alokasyon sang badyet kun sa diin ginhimo nila gatasan sang ila nga korapsyon. Gani wala sang ekspektasyon nga ang bukukrata kapitalista pareho niya mag-ako kag magpanabat sang ila involvement sa sistemkatiko nga korapsyon.

Makit-an diri naton nga mayorya sang pondo sa gobyerno gakadto lamang sa bulsa sang pipila, samtang kita hindi maka-angkon sang maayo ukon kalidad nga basehan nga serbisyo sosyal. Wala sang bastante nga badyet para sa edukasyon, agrikultura, pabalay, ikaayong lawas kag iban pa. Kung tani ginhatag sa pagpatindog klasrum, hospital, subsidy sa mga mangunguma didto ginbubo sa palpak nga proyekto para palaagyan kikbak kag sa militar kag police para sa pamasismo para sa pagpahipos sang pumuluyo nga nagabato. Ang korapsyon nga ini sistematiko kag hindi lang makita sa flood control projects kundi sa tanan na ginaubra sang reaksyunaryo na gobyerno.

Nagadabadaba ang kaakig sa subong sang linibo nga pamatan-on kaupod ang malapad nga pumuluyo. Samtang ang mga burukrata kapitalista galangoy sa ila manggad kag kita nga mga Pilipino gakalumos sa sunod-sunod nga baha kag bagyo. Gadugang sa kaugot sang pumuluyo ang gakatabo subong na moro-moro sa senado kag bilog nga gobyerno, madamo sa ila gahugas kamot kag kuno-abi nakibot kag akig sa korapsyon, biskan madugay na nila bal-an nga gakatabo ini kag nagapartisipar pa sila diri.

Sa isa ka malapyudal kag malakolonyal nga katilingban, madalum ang ugat sang burukrata kapitalismo. Gani klaro nga wala sa kamot sang pipila ka politiko ukon sa burgis nga eleksyon ang kahilwayan kag kauswagan sang aton banwa. Wala sang masanag nga bwas damlag ang pamatan-on kag pumuluyo sa dalum sining bulok nga sistema. Klaro nga ara lamang sa kamot sang pumuluyo ang pagwas-ag sangdaan nga sistema, pagsakdag sang ila interes, kag pagbag-o nga ila handum. Gani maathag nga madula lamang ang korapsyon sa pagbag-o sang sistema pamaagi sa pungsudnon demokratiko nga rebolusyon sang banwa. Pamatan-on pabaskugon ang hanay kag magupod sa malapad nga paghulag sang pumuluyo, magkadto sa kaumhan! Mag-intra sa bagong hangaway sang banwa kag baguhon ang sistema pamaagi sa pagsakdag sang armado nga paghimakas!

Imperyalismo, Pyudalismo, Burukrata Kapitalismo Ibagsak!
Mabuhay ang Pungsudnon Demokratiko nga Rebolusyon!