Ang bug-os nga katapuan sang Rebolusyonaryo nga konseho sang mga unyon sang mamumugon ukon RCTU, upod sa iban nga rebolusyonaryong pwersa sa kaumhan kag kasyudaran, naga pakigunong sa pamilya sang mga nagtaliwan nga martir. Dako nga bugal saamon nga nangin kaupod sila sa pag sulong sang armadong paghimakas batok sa isa mga manugpigos kag gina himuslan. Bilang mga kadre sang partido kag pulang hangaway gin kurit nila ang ila kabuhi sa kasaysayan nga upod nila gin panday sa masa.

Hindi mahapos ang desisyon nga mag buhi sa nakaadnan nga kabuhi sa idalom sang burgis kag dekadente nga sistema. Pero bangod kay sila mismo naka eksperyensya sang pamigos halin sang mga nagaharing sahi kag namuklat sa kamatuoran nga solo ang armadong paghimakas lamang ang desaysibo nga solusyon, ila ini nalampasan kag determinado nga gin panghawidan sang lubos sa tagipusuon ang rebolusyonaryo nga pangabuhi kag naglawig sang malawig nga panahon tubtub naabtan na sila sang kasisidmon sang ila pagginhawa. Wala nag duhaduha kag masbaskog kada adlaw sa panindugan apesar sang tanan nga kabudlayan. Mga matuodtuod nga baganihan kag martir!

Nag halin ang mga kaupod sa nagkalain-lain nga dalan sang kabuhi pero ginbugkos sila sang rebolusyon sa isa ka panindugan kag panan-awan. Bilang mga kadre, nangin matalom sa pag analisa sang kahimtangan sa politika kag ekonomiya, maayo nga ubay sa kag tigpamuno. Ila gin kabuhi ang simple nga pagpangabuhi kag puspusan nga paghimakas.

Nangin dako sila nga inspirasyon sa mga mamumugon sa kasyudaran, ang ila kabuhi bilang bagong hangaway sang banwa gina hangaan ilabi nagid sa mga pulong kag pagtuon sang rebolusyonaryong mamumugon. Biskan malayo man pero sa kada balita sang kadalag-an sa kaumhan sa mga kampanyang masa kag opensiba kag depensiba batok sa pasistang berdugo nga mga ido sang gyera sang militar.

Bangud sa sakeipisyo sang mga martir, kag sang tanan man nga mga kaupod nga martir mas nahawanan na biskan papano ang dalan pakadto sa kadalag-an. Bangud saila maa mapasigurado naton nga may kadalag-an. Wala nagatapos sa ila mga ginhawa ang rebolusyon, bangod buji pa ini sa mga nagapadayon. Gani mas pursigido ang RCTU nga mas padamuon kag mas pabaskogon ang rebolusyonaryo nga pwersa diri sa Panay kag isulong sa mas mataas nga halintang ang pungsodnon demokratiko nga rebolusyon nga may sosyalista nga perspiktiba kag ang pag balay sang komunista nga katilingban alang alang sa mga martir sang pumuluyo kag masa nga aton tanan gina serbisyohan!

Mabuhay ang mga martir, mabuhay angnpungsodnon demokrariko nga rebolusyon, mabuhay ang partido komunista sang pilipinas! Ma buhay ang pungsodnon nga nagahiliusa nga prente sang pilipinas! Mangisog nga mag intra sa bagong hangaway sang banwa!