Tubtub subong, Hunyo 21, nagapadayon ang lapit duha ka bulan na (nagsugod sang Abril 23) nga focused military operation sang gintingob nga pwersa sang 15th Infantry Battalion (IB) kag 47th IB nga naglab-ot sa mga banwa sang Cauayan, Candoni kag Ilog, kag sa syudad sang Sipalay.

Sa Cauayan, nakapakat ang presensya sang nasambit nga mga tropa militar sa 10 ka mga baryo:
1. Brgy. Camlandaan – 21 ka mga sityo (Pinamay – an, Tinagpito, Mumho, Luksuhon, Kabanbanan, Canangan, Buhod, Cambagoning, Cabalhinan, Danao, Tagaytay, Bagtik, Sinuayan, Lin- ab, Kantikol, Banat-i, Taya- o, Dongga, Lag- it, Basalbasalon, Sua kag Carbon)
2. Brgy. Inayawan – 16 ka mga sityo (Bisot, Kalapnisan, Langgoni, Kalutan, Punglo, Mambagong, Maganting, Kaligid, Kesol, Bon-bon, Pange, Pasto, Kabalyuhan, Hanot, Kanagbaan kag Hunob)
3. Brgy. Caliling – pito ka mga sityo (Odluman, Bajay, Lumboy, Kabal-asan, Kantiyang, Patol, Manlatab)
4. Brgy. Yao- yao – sa mga sityo sang Cambaga, Luoy kag Langub
5. Brgy. Baclao – sa mga sityo sang Mangitlog kag Lapniga
6. Brgy. Tomina – sa mga sityo sang Abubo kag Proper
7. Brgy. Camindangan – sa mga sityo sang Proper, Badiang kag Talimagao
8. Brgy. Tambad – sa Sityo Proper
9. Brgy. Guilungan – sa Sityo Omiles
10. Brgy. Basak

Samtang sa banwa sang Candoni, nakapwesto ang mga suldado sa mga sityo sang Magbuto, Laguting kag Pulakpulakan nga sakop sang Bgy. Cabian; kag sa Sityo Cogon, Brgy. Gatuslao.

Sa Ilog, may ara tropa militar sa Brgy. Pinggot nga naglapta sa mga sityo sang Kanyabaka kag Montelo.

Sa Sipalay City man, mentinado ang tropa militar sa mga sityo sang Cagay, Camboguiot kag Minoy. May ara man sa mga sityo sang Omas, Pako, Beto, Macarandan kag Samak, tanan sakop sang Brgy. Camindangan. Sa Brgy. San Jose, makita ang mga tropa militar sa mga sityo sang Biyernesan kag St. Joseph.

Ang tayuyon nga mga operasyon militar sa kombinado nga pwersa sang nasambit nga mga batalyon sang 302nd Brigade sang Philippine Army nagtuga sang mga kalapasan sa tawhanon nga kinamatarung batok sa pumuluyo sa Brgy. Camalandaan.

Ginransak ang balay sang isa ka pamilya sa Sityo Lin-ab sadtong Mayo 1, ala 1:00 sang kaagahon kag pilit ginkuha ang selpon sang bata sang tagbalay kag ginlantaw sang mga suldado kon kay sin-o ang mga cellphone number kag mga mensahe nga ara sa selpon. Ginpahug ang pamilya nga palukpan kag tiruhon kon indi pasudlon ang mga suldado. Kadungan sini nga insidente, may ara man pamilya nga gin-abukay ang balay sa Sityo Sua.

Samtang, ginhold ang mga tawo nga nagkadto sa pyesta sa Sityo Buhod sadtong Mayo 12 kag wala nila ini ginpapauli.

Sa Sityo Canangan, ginpangsaka-saka ang mga pamalay sa 10 ka bubong sadtong Hunyo 13 kag ginpang-piktyuran ang mga residente samtang sa Sityo Inayawan, ginpamahug ang pumuluyo nga ila mapalapitan nga “kon manugid nga may ara nga armado, balikan sila.” Nagapakuno-kuno ang mga suldado sang militar nga mga katapo sila sang NPA.

Dugang pa, sa mga pamalay sang pumuluyo nagatulog kag nagatenir ang mga katapo sang 15th kag 47th IB.