Yukut-yukot nga Pilipino an kinadto ha kakalsadahan hadton Hulyo 28 ha Metro Manila ngan mga prubinsya, bisan ha langyaw nga labnasan, agud ibuksas an tinuod nga kamutangan han katawhan ilarum han tulo katuig nga paghahadi han rehimen Marcos. An mga demonstrasyon, nga kada tuig iginlalansar komo pantugbang ha han State of the Nation Address (SONA) […]

Kalakip ha mga iginhambog ni Ferdinand Marcos Jr ha iya SONA an deklarasyon nga “waray na gerilya nga grupo ha nasud.” Usa ini nga buwa ngan hul-os nga panguwat labina nga nakakagpursige ngan nakatatagamtam han hilarum ngan hiluag nga suporta han katawhan ha kabaryuhan an Bagong Hukbong Bayan (BHB) ngan rebolusyunaryo nga kagiusan. Sigon ha […]

Iginreport hadin Agosto han Bagong Hukbong Bayan-Bukidnon an resulta han engkwentro han usa nga yunit hini ngan mga elemento han 8th IB ha Sityo Tubigon, Barangay Busdi, Malaybalay City, Bukidnon hadton Hulyo 1. Nagresulta an nasering nga engkwentro ha pagkamatay han diri mamenos ha pito nga sundalo han 8th IB. Tungod ha kahibangan nga nahiaguman […]

Hul-os na nga ginpatay han Senado an pagbista kan bise presidente Sara Duterte ha mga artikulo han impeachment nga ginkakaatubang niya tungod ha anomaliya ngan korapsyon. Hadton Agosto 6, binotos an 19 nga senador agud ig-“arkibo” an kaso komo pag-alagad kuno ha desisyon nga igin-gawas han Korte Suprema hadton Hulyo 25. Ha desisyon han korte, […]

Pira kaadlaw antes an ika-upat nga State of the Nation Address ni Ferdinand Marcos Jr, iginpatawag hiya ni Donald Trump, presidente han US, para ha “negosasyon” hadton Hulyo 20-22 hiunong ha kadakuon han taripa ha mga produkto tikang ha Pilipinas ngan iba pa nga konsesyon ha ekonomiya ngan militar. Sugad han tangkod nga tagasunod, iginhalad […]