Iginreport hadin Agosto han Bagong Hukbong Bayan-Bukidnon an resulta han engkwentro han usa nga yunit hini ngan mga elemento han 8th IB ha Sityo Tubigon, Barangay Busdi, Malaybalay City, Bukidnon hadton Hulyo 1. Nagresulta an nasering nga engkwentro ha pagkamatay han diri mamenos ha pito nga sundalo han 8th IB.

Tungod ha kahibangan nga nahiaguman han 8th IB, nagpabuto han kanyon an yunit militar hadton Hulyo 1 ngan Hulyo 2 komo bulos ha masa nga nasuporta ha hukbo. Waray yunit han BHB-Bukidnon an naigo kundi nagdurot ini hin kahadlok ha mga komunidad han mga parag-uma ngan Lumad ha lugar.

Upat kabala han kanyon an syahan nga ginpabuto hadton alas-12:30 han kulop han Hulyo 1.

Kinabuwasan, utro nga nagpabuto han upat kabala han kanyon an AFP hadton alas-3 han kaagahon. Nakada ha butnga han pamamahuway an mga sibilyan nga populasyon han nagpabuto han kanyon an mga berdugo.