ARTIKULO V. ANG SENTRAL NGA ORGANISASYON
Seksyon 1. Ang Pungsudnon nga Kongreso pagahiwaton kag pagadumalahan sang Komite Sentral kada lima ka tuig, magluwas kon kinahanglan hiwaton sa mas temprano ukon lampuwas na sa natalana nga panahon. Kon mayorya sang mga rehiyunal nga komite sang Partido pormal nga nagapangayo nga hiwaton ang kongreso, magapasugot ang Komite Sentral sa amo nga pangabay.
Ang pagpahibalo sang paghiwat sang Pungsudnon nga Kongreso himuon nga indi magnubo sa isa ka bulan antes. Ang Komite Sentral ang magadesisyon sang kadamuon sang delegado kag pamaagi sang pagboto sa ila sang mga manubo nga organo sang Partido.
Seksyon 2.Ang mga katungdanan kag gahum sang Pungsudnon nga Kongreso amo ang masunod:
a. diskusyunan, aprubahan, repasuhon ukon ligwaton ang programa kag konstitusyon;
b. desisyunan ang linya pangpulitika sang Partido;
k. pilion ang mga katapu kag kandidato nga katapu sang Komite Sentral kag iban pa nga sentral nga organo pagkatapos madesisyunan ang nagakaigo nga kadamuon sang katapuan sang kada organo; kag
e. magtukod kon kinahanglanon sang mga sentral nga organo luwas sang mga organo nga natukod na.
Seksyon 3. Sa tunga sang mga pungsudnon nga kongreso, ang Komite Sentral ang magapamuno sa kabilugan nga hilikuton sang Partido, magapatuman sang mga desisyon sang Pungsudnon nga Kongreso, magahimo sang mga nagakaigo nga desisyon kag magalubad sang mga nagaluntad nga palaligban, magatukod sang mga organo sang Partido kag magapamuno sa ila aktibidades, magadumala kag magapanagtag sang mga kadre sang Partido kag maghatag sang napanahon nga pagtamud sa mga pangabay nga rekonsiderasyon sang mga mas manubo nga organisasyon kag mga indibidwal nga katapu sa mga kaso nga may aksyon pangdisiplina.
Seksyon 4. Sa plenum sini, ang Komite Sentral magapili sang Buro Pangpulitika (Politburo), sang komite nga manugpatuman sang Buro Pangpulitika, snag sekretaryat, sang tsirman sang Komite Sentral kag iya mga katal-os, pangkabilugan nga sekretaryo kag iban pa nga sekretaryo sang Komite Sentral.
a. Ang Politburo, upod sa iya komite nga manugpatuman, magapatuman sang pungsyon kag gahum sang komite Sentral sa tunga sang mga plenum.
b. Ang sekretaryat sang Komite Sentral magadumala kag magapadalagan sang matag-adlaw nga aktibidades sang Partido sa pagpamuno sang Politburo.
Ang kadamuon sang mga katapu kag kandidato nga katapu sang Partido, sang komite nga manugpatuman kag sang sekretaryat pagadesisyunan sang Komite Sentral. Ang mga bakante nga magatuhaw kinaandan nga pun-an sang mga kandidato nga katapu.
Seksyon 5. Ang Komite Sentral magapili kag magaangkon man sang mg espesyal nga organo: Ang
Komisyon Militar, ang mataas nga buluthuan sang Partido (Rebolusyonaryo nga Buluthuan sang Kaisipan Mao Zedong) kag ang mga sentral nga publikasyon, magluwas sang sekretaryat nga may kaugalingon nga departamento sa edukasyon kag organisasyon.
Seksyon 6. Ang plenum sang Komite Sentral ipatawag sang Politburo kaisa kada anum ka bulan. Subong man, ang Politburo ukon ang mayorya sang mga katapu sang Komite Sentral mahimo magdesisyon nga hiwaton ini sa mas temprano ukon lampuwas na sa natalana nga panahon. Ang mga katapu kag kandidato nga katapu, bisan pa may kinamatarung sa pagpabutyag, wala sang kinamatarung sa pagboto.
Party Constitution Bottom
Preyambulo
I
II
III
IV
V
VI
VII
VIII
IX
X
XI Balik sa Ibabaw
|