ARTIKULO VI. MGA ORGANISASYONG PANTERITORYO NG
PARTIDO
Seksyon 1. Ang mga pangteritoryo nga kumperensya sang Partido regular nga pagahiwaton: sa rehiyon, kaisa kada tatlo ka tuig; sa mga probinsya kag distrito, kaisa kada duha ka tuig; kag sa mga Seksyon, kaisa kada tuig. Subong man, ang mga kumperensya mahimo hiwaton bisan ano nga oras sandig sa desisyon sang mas mataas nga organo sang Partido ukon sandig sa petisyon sang mayorya sang mga mas manubo nga organo sang Partido.
Seksyon 2. Ang mga pungsyon kag gahum sang rehiyonal, pangprobinsya, pangdistrito kag pangseksyon nga mga kumperensya amo ang masunod:
a. magbaton, magdiskusyon kag mag-aprubar sang mga pahayag nga ginhimo sang kite sang Partido kag iban pa nga organo sang Partido sa amo man nga lebel;
b. maghimo sang mga resolusyon nahanungod sa pang-organisasyon kag pangpulitika nga palaligban; kag
k. magpili sang katapuan sang komite sang Partido matapos madesisyunan ang nagakaigo nga kadamuon sang katapuan.
Seksyon 3. Sa mga natungdan nga plenum, ang mga teritoryal nga komite sang Partido magapili sang komite nga manugpatuman kag sekretaryat (sekretaryo kag mga katal-os sini). Ang sekretaryo magapamuno sa plenum, sa komite nga manugpatuman kag sa sekretaryat.
Ang mga rehiyonal nga komite magahiwat sang plenum kaisa kada anum ka bulan, ang mga probinsyal nga komite, kaisa kada tatlo ka bulan, ang mga pangdistrito kag pangseksyon nga komite, kaisa kada bulan.
Seksyon 4. Ang mga rehiyonal, pangprobinsya, pangdistrito kag pangseksyon nga komite magapatuman sang mga desisyon sang mga mas mataas nga organisasyon sang Partido, magatukod sang temporaryo nga manubo nga organo nga Partido, magadumala sang ila aktibidades kag magapanagtag sang mga kadre sang Partido.
Seksyon 5. Ang mga komite nga rehiyonal, pangprobinsya, pangdistrito kag pangseksyon regular nga magapatawag kada tuig sang mga kumperensya sa hilikuton kag pagtuon nga pagatambungan sang mga delegado nga ginpili sang mga sanga kag grupo sang Partido sa mga organisasyon pang masa. Ang mga kumperensya nga ini may gahum nga maghatag sang mga rekomendasyon nahanungod sa hilikuton pang-
organisasyon kag mga palaligban pangpulitika sa mga nagapamuno nga organo sang Partido, ilabi na sa mga nagapamuno nga komite.
Party Constitution Bottom
Preyambulo
I
II
III
IV
V
VI
VII
VIII
IX
X
XI Balik sa Ibabaw
|