ARTIKULO VII. SANDIGAN NGA ORGANISASYON SANG PARTIDO

Seksyon 1. Ang sanga bilang sandigan nga organisasyon sang Partido pagatukuron sa diin tatlo ka katapu sang Partido ang mahimo ulupod nga magtrabaho bilang isa ka kolektibo nga yunit, santo sa lugar nga ginapuy-an, ginatrabahuan ukon ginabuthuan. Pagatukuron ang mga sanga sang Partido sa nga pabrika, minahan, plantasyon ukon asyenda, baryo, buluthuan, kalye, talatapan, lugar nga puluy-an kag tagsa ka kumpanya sang hangaway sang banwa. Kon sa mga nasambit nga lugar kulang sa tatlo ang katapu, ini nga mga katapu sang Partido dapat mag-angot sa pinakamalapit nga sandigan nga organisasyon sang Partido.

Seksyon 2. Kon magsobra sa napulo kag lima ang katapuan sang isa ka sanga sang Partido, ang katapuan pagatungaon sa mga grupo sang sanga sa interes sang seguridad, magluwas kon ang sanga yara sa isa ka rebolusyonaryo nga base. Ang katapuan sang tagsa ka grupo sang sanga indi dapat magsobra sa napulo.

Seksyon 3. Ang pinakapundamental nga katungdanan sang basehan nga organisasyon sang Partido amo ang pagdebelopar sang pinakahugot nga angot sa tunga sang Partido kag masa sang pumuluyo.

Ang kabilugan nga katungdanan sang sanga sang Partido amo ang:

a. magtungod sang hilikuton pangpropaganda kag pang-organisasyon sa kubay sang masa agud mapatuman ang linya kag polisiya sang Partido kag desisyon sang mga mataas nga organo sang Partido;

b. hibal-on ang handum kag kinahanglanon sang masa, maghimo sang napanahon nga pahayag sa mas mataas nga organo sang Partido, maghatag sang giya kag magpakigbahin sa kabuhi pangpulitika, pang-ekonomiya kag pangkultura sang mga pumuluyo;

k. magtipon sang bulig materyal kag moral para sa armado nga paghimakas nga ginalunsar sang Bag-ong Hangaway sang Banwa;

d. magrekluta sang bag-o nga mga katapu sang Partido kag mga pula nga Hangaway, magkolekta sang butaw sang katapuan sang Partido, mag-analisa sang mga pahayag halin sa mga katapu sang Partido kag pangapinan ang seguridad kag disiplina sang Partido sa kubay sang katapuan;

e. mag-organisa sang mga pagtuon sang mga katapu sang Partido kag magpanagtag sang mga publikasyon;

g. magrekomendar sang mga kadre sang Partido para sa pangkadre nga paghanas sa Rebolusyonaryo nga Buluthuan sang Kaisipan Mao Zedong.

Seksyon 4. Ang mga pulong sang sanga pagahiwaton sa pinakamanubo makaisa kada bulan. Ang mga ini pagatambungan sang mga lider sang mga grupo sang sanga kon mabudlayan sa pagtambong ang tanan nga katapu sang sanga sa mga lugar nga indi mabakod kag wala sang proteksyon.

Ang mga pulong sang sanga magapili sang komite nga manugpatuman kag sekretaryat (sekretaryo kag mga katal-os nga mga sekretaryo) kag magatalana sang mga lider sang grupo sang sanga. Tanan sila magauyat sang katungdanan sa sulod sang isa ka tuig.

Ang mga pulong sang sanga magaaprubar sang mga pangabay sa pagtapu sa Partido, magabaton kag magadiskusyon sang mga pahayag sang mga katapu kag komite sang sanga, kag magadesisyon sang hilikuton sang bug-os nga sanga.

Seksyon 5. Ang isa ka katapu sang Partido mahimo mangin katapu sang duha ka sanga kag magbayad sang butaw sa isa lamang basta ginapahanugotan sang mas mataas nga komite sang Partido. Ang isa ka katapu sang Partido nga magsaylo halin sa isa ka sanga pakadto sa isa pa ka sanga dapat may pahanugot sang pangseksyon nga komite nga mas mataas sa sanga nga iya ginhalinan.

Preyambulo
I II III IV V VI VII VIII IX X XI
Balik sa Ibabaw