ARTIKULO IX. ANG RELASYON SANG PARTIDO SA BAG-ONG HANGAWAY SANG BANWA

Seksyon 1. Ang Partido, paagi sa Komisyon Militar sini nga yara sa idalom sang Komite Sentral kag paagi sa mga kadre sini sa tagsa ka lebel, amo ang magamando kag magagiya sa Bag-ong Hangaway sang Banwa sa kongkreto nga praktika sang Marxismo-Leninismo-Kaisipan Mao Zedong kag magadebelopar sang pinakaabanse nga mga hangaway nga mangin katapu sang Partido.

Seksyon 2. Ang mga pagsulundan sang Bag-ong Hangaway sang Banwa lubos nga magakilala sang liderato sang Partido kag sang Komisyon Militar sini nga magatalana sang paghamtang sang mga lider pangpulitika sa tagsa ka armado nga yunit sang Bag-ong Hangaway sang Banwa.

Seksyon 3. Ang bag-ong Hangaway sang Banwa amo ang nagapanguna nga hinganiban sang partido kag sang demokratiko nga rebolusyon sang banwa kag sang madason nga halintang sang sosyalismo. Lubos kalig-on nga ginahugpong sini ang sandigan nga alyansa sang sahi nga mamumugon kag mangunguma. Sa kaumhan, magatukod ini sang hilway nga gubyerno paagi sa pagtib-ong sang armado nga paghimakas, paglunsar sang rebolusyon agraryo kag pagtukod sang mga base.

Seksyon 4. Isa ka sanga sang Partido sa kada kumpanya kag isa ka grupo sang Partido sa kada iskwad ang pagatukuron sa sulod sang Bag-ong Hangaway sang Banwa. Pagapilion ang mga nagapamuno nga komite halin sa sanga tubtob sa pinakamataas nga pormasyon militar.

Seksyon 5. Ang Bag-ong Hangaway sang Banwa magadebelopar sang tatlo ka mayor nga porma sang armado ng kusog: mga regular nga pwersa nga mahulag, mga yunit gerilya, kag lokal milisya ukon yunit sa pagpangapin sa kaugalingon. Mangin isa ini ka pwersa sa pagpakig-away, sa propaganda kag sa produksyon.

Seksyon 6. Pagadebeloparon sang Partido ang pinakahugot nga angot sa tunga sang hangaway kag mga pumuluyo, sa tunga sang Partido kag hangaway, kag sa tunga sang mga lider kag mga hangaway sandig sa proletaryo nga rebolusyonaryo nga diwa.

Seksyon 7. Hugot nga pagasundon sang Bag-ong Hangaway sang Banwa ang Tatlo ka Nagapanguna nga Pagsulundan kag Walo ka Bagay nga Dapat Tandaan:

Ang Tatlo ka Nagapanguna nga Pagsulundan sa Disiplina amo ang :

1. Sundon ang mando sa tanan nga paghulag.
2. Indi magkuha sang bisan isa ka dagom ukon utod nga hilo halin sa masa.
3. Ihatag sa natungdan ang tanan nga nakumpiska.

Ang Walo ka Bagay nga Dapat Tandaan amo ang:

1. Mangin matinahuron sa paghambal.
2. Bayaran sang nagakaigo ang mga ginbakal.
3. Iuli ang tanan nga ginhulam.
4. Bayaran ang bisan ano nga naguba.
5. Indi magsakit ukon magpasipala sa tawo.
6. Indi paghalitan ang mga tanom.
7. Indi paghimuslan ang mga babaye.
8. Indi pagpintasan ang mga bihag.



Preyambulo
I II III IV V VI VII VIII IX X XI
Balik sa Ibabaw