ARTIKULO VIII. MGA GRUPO SANG PARTIDO SA MGA ORGANISASYON PANGMASA
Seksyon 1. Ang mga grupo sang Partido likom nga pagatukuron sa tagsa ka label sang organisasyon sang mga mamumugon kag sa mga organisasyon pangmasa sang mga mangunguma, pamatan-on, estudyante, kababainhan, mamumugon kultural, propesyunal, manughimo sa kamot, kag iban pa sa diin may tatlo ka katapu sang Partido. Ang mga katungdanan sang mga grupo sang Partido nga ini nagalakip sang pagpatuman sang mga polisiya kag desisyon sa Partido, pagpabakod sang paghiliusa sa mga aktibista nga wala pa sa Partido kag pagdebelopar sang hugot nga angot sa tunga sang Partido kag masa sa sulod sang mga organisasyon pangmasa.
Seksyon 2. Ang mga katapu sang Partido sa mga burges nga institusyon nga may malapad nga sakop likom man nga magatukod sang mga grupo sang Partido. Ang ila responsibilidad nagalakip sang pagpatuman sang polisiya kag desisyon sang Partido, pagtipon sang mga impormasyon nga malahalon sa Partido, pagbuyagyag sang mga kasaypanan kag kahuyangan sang mga nagahimulos nga sahi kag ang pagrekluta sang mga katapu sang Partido sa kubay sang petiburges sa syudad.
Seksyon 3. Ang kadamuon sang katapuan sang mga grupo sang Partido italana sang mga komite sang Partido nga nagapamuno sa ila. Ang mga grupo sang Partido sa tagsa ka lebel sang mga organisasyon pangmasa magaangkon sang sekretaryo kag tal-os nga sekretaryo.
Seksyon 4. Ang istatus kag mga kinamatarung sang mga grupo sang Partido sa Pungsudnon nga Kongreso kag sa mga kumperensya sang Partido pagadesisyunan sang Komite Sentral.
Party Constitution Bottom
Preyambulo
I
II
III
IV
V
VI
VII
VIII
IX
X
XI
Balik sa Ibabaw
|
