Gin-ambus sang Bagong Hukbong Bayan (BHB)-Roselyn Jean Pelle Command ang ahente nga paniktik nga si Benedicto Omblero sang Septyembre 4 sa Negros Occidental. Nakumpiska halin sa iya ang duha ka kalibre .45 kag mga bala. Si Omblero elemento sang Military Intelligence Battalion nga ara sa idalom sang 3rd ID, kag katapu sang anti-komunista nga grupong ANAD.

Samtang, ginsilutan man sang BHB-Surigao del Norte ang ahente nga paniktik nga si P/SSgt. Restie Dandan sang Agosto 18.

Pareho nga imbolbado sanday Omblero kag Dandan sa iligal nga pag-aresto sa mga mangunguma, pagpamahug sa mga residente, pagpangilkil kag iban pa nga anti-sosyal nga buluhaton sa komunidad.

Sa Davao City, lima ka suldado sang 27th IB ang napatay sang ambuson sila sang BHB sa Sityo Lubas, Paquibato District sang Agosto 26.