Naulimek a nakaasideg ken pinaputukan dagiti Nalabaga a mannakigubat ti New People’s Army (NPA) idiay Negros ti dua a detatsment ti militar idi napalabas a lawas.

Idi Disyembre 13, pinaputukan ti NPA-Central Negros ti patrol base ti 62nd IB idiay Barangay Sandayao proper, Guihulngan City, Negros Oriental bandang alas-8:00 ti rabii. Dua ti nasugatan iti tropa ti 62nd IB.

Idi met Disyembre 11, pinaputukan ti NPA-Southwest Negros ti detatsment ti 15th IB idiay Sityo Pangi, Barangay Inayawan, Cauyan, Negros Occidental. Naulimek nga inasitgan ti yunit ti NPA ti detatsment tapno bulabugen dagiti agin-inana a soldado.

Dagitoy ket paset ti uppat kada bulan nga abereyds nga armado nga opensiba dagiti yunit ti NPA idiay isla ti Negros iti napalabas a tawen. Nalawag a tungpa daytoy iti pahayag ti 3rd ID a maib-ibusen ti NPA idiay isla ken magun-oden ti target a naan-anay a “rebbeken” ti NPA.