CAFGU sa likod sang masaker sa Guihulngan, ginsilutan

Ang artikulo nga ini may salhin sa PilipinoEnglishBisaya

Ginsilutan sang Bagong Hukbong Bayan (BHB)-Central Negros sang Septyembre 24 ang isa ka elemento sang CAFGU nga ara sa likod sang mga pagpamatay sa mga sibilyan sa Guihulngan City. Gintarget sa isa ka partisano nga operasyon si Joselito Raboy, operatiba sa madamo nga operasyong kombat sang 62nd IB kag mga yunit sang pulis.

Lakip sa pinakadaku nga krimen ni Raboy ang iya papel sa pagmasaker sa pamilyang Jacolbe sa Guihulngan City sang Hulyo 26. Diri ginpatay ang 5-bulan nga nagabusong nga si Cristina Jacolbe, ang iya 16-anyos nga anak nga si Everly Kee kag upod nila nga si Rodan Montero. Upod man si Raboy sa mga tropang militar nga nagpaulan sang bala kag nagtuyo nga magpatay kanday Boyer Cesar kag Marjun Mahinay sang Hulyo kag Agosto. Armado nga nagpamalaybalay si Raboy, upod ang duha pa nga myembro sang CAFGU, agud pahugon kag paandaman ang mga residente sa isa ka barangay.

“Ang natabo nga pagsilut… magaserbi nga paandam sa tanan nga mga makinarya sang militar batuk sa hublag labi na ang nagsurender nga nagpagamit sa pasistang AFP, PNP kag NTF-Elcac katumbas sang promisa nga kwarta kon sa diin nagaresulta sang kahalitan sa pangabuhian, kabuhi kag may utang nga dugo sa pumuluyo sang Central Negros,” suno kay JB Regalado, tagapamaba sang BHB-Central Negros. Pursigido ang BHB sa isla sa pagpangita sang pamaagi sa pagsilut agud hatagan sang nagakaigo nga hustisya para sa mga biktima sang pasismo sang estado, siling niya.

CAFGU sa likod sang masaker sa Guihulngan, ginsilutan