5 gawa-gawang kaso, ibinasura
![](https://philippinerevolution.nu/wp-content/themes/prwc/images/ablogo.png)
![]( https://philippinerevolution.nu/wp-content/uploads/2021/02/freed-445x1024.png )
Limang kasong isinampa laban sa mga aktibista at konsultant ang sunud-sunod na ibinasura ng mga korte sa nakaraang 10 araw. Ang mga ito ay ang mga gawa-gawang kaso ng illegal possession of explosives laban sa lider ng Gabriela na si Beatrice Belen; illegal possession of firearms and explosives laban sa tagapagsalita ng National Democratic Front-Panay na si Concha Araneta; “pagpapalaganap ng pekeng balita” laban sa mga brodkaster ng Radyo Natin Guimba; inciting to sedition laban sa gurong si Ronnel Mas; at illegal assembly laban sa mga aktibistang tinaguriang Marikina 10. Ang desisyon sa kaso laban kay Araneta ay noon pang Enero 6 inilabas pero nitong Pebrero 18 lamang naisapubliko.
Una nang ipinawalambisa ng korte noong Pebrero 5 ang search warrant na ginamit para arestuhin at kasuhan sina Lady Ann Salem at Rodrigo Esparago. Gayunpaman, hanggang ngayon ay nananatili silang nakakulong.