Giabswelto sa Senado sa US niadtong Pebrero 14 ang kanhing presidente sa nasud nga si Donald Trump sa kasong “incitement of insurrection” o pagpanghulhog sa katawhan nga atakehon ang US Capitol niadtong Enero 6. Wala nagmalampuson ang mga nagdemanda bisan pa og nakakuha sila og 57 ka botong pabor batok sa 43 ka botong supak. Tungod kay nanginahanglan kini og 67 ka boto o 2/3 sa kinatibuk-ang boto sa mga senador aron ideklara siyang sad-an. Una na nga giabswelto sa Senado si Trump sa lain pang kaso niadtong Enero 2020.

Isip remedyo, plano sa Kongreso sa US nga magtukod og usa ka komisyon aron imbestigahan ang maki-Trump nga mga grupo ug ilang mga tigsuporta sa partidong Republican nga nalambigit sa pagpangatake sa Kongreso. Matud sa nag-unang taho, usa sa matag lima sa mga miatake mga beterano o aktibong myembro sa militar sa US.