Apat na lider masa kag aktibista sa Central Luzon (CL), kag isa pa sa Cagayan Valley nga biktima sang red-tagging ang gin-aresto kag ginpasakaan sang himu-himo nga mga kaso sadtong semana santa. Tatlo ang gin-aresto sa CL sang Marso 30.

Gin-aresto si Joseph Canlas, tsirman sang Alyansa ng mga Magbubukid sa Gitnang Luson, sa Mexico, Pampanga. Aktibo siya sa mga kampanya batuk sa pagpanglaksam kag pagbaylo-gamit sang mga ulumhan sa rehiyon.

Gin-aresto man si Florente Viuya Sr., lider-mamumugon kag pangulo sang Bayan-CL, sa Bamban, Tarlac. Upod niya nga naaresto ang paralegal sang Karapatan-CL nga si May Arcilla.

Sa Bulacan, gin-aresto sang Marso 25 si Concepcion Opalla, anay lider sang Kadamay nga nagpamuno sa okupasyon sang Pandi sang 2017. Duha ka adlaw antes siya ginpatuhaw sang mga pulis.

Sa Southern Tagalog, gin-aresto si Genelyn Dichoso, upisyal sang Karapatan kag iya anak nga si Jennifer sa Calauag, Quezon sang Abril 5. Sang Marso 30, ginreyd sang mga pulis ang upisina sang Alyansa ng Manggagawa sa Engklabo sa Santa Rosa, Laguna kag gintamnan sang mga pusil kag eksplosibo.

Sa Manalo, Amuling, Cagayan gin-aresto sang Marso 24 si Calixto Cabildo, pangulo sang Anakpawis-Cagayan.

Samtang, indi makatarungan nga ginbulag kay Elizabeth Estilon, detenido pulitikal sa Sorsogon, ang iya lapsag nga si Prince Joel sang Marso 27.