Ginluthang kag napatay sa pwertahan sang engklabo sa Barangay Canlubang, Calamba, Laguna si Dandy Miguel sang Marso 28. Si Miguel, mamumugon sang Fuji Electric Philippines, presidente sang unyon diri nga Lakas ng Nagkakaisang Manggagawa sa Fuji Electric Philippines. Siya man ang bise presidente sang Pinagkakaisa ng Manggagawa sa Timog Katagalugan.

Ginpamunuan ni Miguel ang pagbato sang unyon para sa tuigan nga sweldo sa masunod nga tatlo ka tuig kag magapatuman sang mga tikang sa ikaayong lawas batuk sa Covid-19. Ika-10 siya sa mga aktibista nga ginpatay sa rehiyon sang Marso.

Sa Camarines Norte, ginpatay sang 96th IB sang Marso 19 ang mag-amay nga mangunguma nga sanday Louis Buenavente kag Jetly Buenavente. Ginalagas sadto sang mga suldado ang yunit sang Bagong Hukbong Bayan (BHB) nga nangreyd sa mga pulis sa Purok 6, Barangay Dumagmang, banwa sang Labo. Ginpagwa nga mga Pulang hangaway ang mag-amay. Wasak ang mga guya sang mag-amay kag may mga igo sila sang bala sa dughan.

Pagpamomba. Masobra 15,000 residente sa 15 komunidad sang mga Mangyan ang nagbakwit tuga sang pagpanganyon sang 203rd IBde sa mga barangay sa dulunan sang Mansalay kag Roxas sa Oriental Mindoro sang Marso 25 kag 26. Pinakaapektado ang mga taga-Panaytayan sa Mansalay kag San Vicente sa Roxas.

Pagdukot. Gindakup sang mga sundalo sang 203rd IBde ang mag-utod nga Kadlos kag Jeremy Lukmay, mga residente sang Sityo Kilapnit, Barangay Panaytayan, sang aga sang Marso 25. Si Kadlos nagabusong kag isa ka titser samtang estudyante ang iya utod. Wala pa sila ginpatuhaw sang mga suldado.