Gidisarmahan sa mga Pulang manggugubat ang mga armadong gwardya sa MR1 Construction Company niadtong Hunyo 24 sa Barangay Zone 3, Lanuza, Surigao del Sur. Nakumpiska sa maong opensiba ang duha ka ripleng M16, usa ka shotgun, usa ka kalibre .45 pistola ug uban pang himang militar. Namatay sa aksyong militar ang usa ka gwardya ug usa ka elemento sa CAFGU. Gipanag-iyahan ni Paulo Lopez, paryente ni Rep. Prospero Pichay Jr, ang kumpanya.

Kadungan niini, giambus sa Bagong Hukbong Bayan (BHB)-Surigao del Sur ang mga pulis nga sakay sa patrol car nga miresponde sa insidente. Gipabuthan usab sa BHB ang usa pa ka yunit sa Regional Mobile Group nga nag-atang sa lugar.

Sa Samar, malampuson nga napalayas sa BHB-Northern Samar ang mga tropa sa 20th IB nga naglunsad og Retooled Community Support Program (RCSP) sa mga barangay sa Epaw ug Sag-od sa Las Navas. Niadtong Hunyo 18 hangtud 19, giisnayp sa mga Pulang manggugubat ang mga sundalong nag-operasyon sa Barangay Epaw. Ayha niini, gipabuthan usab sa BHB ang mga elemento sa 20th IB nga nakakampo sa utlanan sa Barangay Epaw ug Barangay Sag-od.

Sukad Hunyo 21 wala pa subling misulod ang mga tropa sa AFP aron mag-RCSP sa maong mga barangay.