Magkasunod nga armadong aksyon ang gilunsad sa mga yunit sa Bagong Hukbong Bayan (BHB) sa Samar niadtong Agosto.

Sa Northern Samar, duha ka elemento sa Civilian Armed Forces Geographical Unit (CAFGU) ang napatay sa Barangay Happy Valley, San Isidro niadtong Agosto 21. Sa parehong adlaw, usa ka sundalo sa 43rd IB ang napatay sa panagsangka sa Barangay Palanit.

Ayha niini, usa ka pulis ang napatay sa panagsangka niadtong Agosto 19 sa Barangay Geparayan, Silvino Lobos. Sa Las Navas niadtong Agosto 17, giisnayp sa mga Pulang manggugubat ang nag-operasyong mga elemento sa 20th IB sa Barangay Epaw. Napatay dinhi ang usa ka sundalo ug napalayas ang yunit militar sa erya human ang duha ka adlaw.

Usa ka operasyong haras ang gilunsad sa BHB-Western Samar (Arnulfo Ortiz Command) batok sa 7-katawong yunit sa 63rd IB sa Sityo Burabod, Barangay Mabini, Basey, Western Samar niadtong Agosto 7.

Sa Negros Oriental, napatay ang duha ka upisyal ug usa ka elemento sa CAFGU sa mga operasyong partisano sa BHB-Central Negros (Leonardo Panaligan Command). Nakumpiska kanila ang usa ka pistolang Ingram ug mga bala. Gilunsad ang unang operasyon sa Barangay Trinidad, Guihulngan City niadtong Agosto 18 samtang ang duha pang aksyong militar gilunsad niadtong Setyembre 2 ug 3 sa Barangay Pinukawan, Vallehermoso ug Barangay Nasunggan, La Libertad.