Giambus sa BHB-South Central Negros ang mga pulis nga miagi sa haywey sa Sityo Candida 2, Barangay Bi-ao, Binalbagan, Negros Occidental niadtong Pebrero 13. Duha ka pulis ang nasamdan sa opensiba. Lambigit niini, gipanghimakak sa BHB ang dis-impormasyon sa mga pulis nga naigo sa Pulang hukbo ang usa ka 15-anyos nga sibilyan. Matud sa yunit sa hukbo nga naglunsad sa operasyon, ang mipaturatoy nga pulis ang paturagas nga nagpabuto sa giatrasan nilang komunidad ug nakapusil sa maong bata.

Sa Negros Oriental, usa ang nasamdan sa operasyong isnayp sa hukbong bayan sa detatsment sa 62nd IB sa Barangay Guba, Vallehermoso niadtong Pebrero 10.

Sa Bukidnon, duha ka operatiba sa 8th IB ang napatay sa operasyong haras sa BHB niadtong Pebrero 11 sa Sityo Bendum, Barangay Busdi, Malaybalay City.

Sa Agusan del Norte, gipabuthan sa BHB ang detatsment sa 65th IB sa Barangay Tagbungabong, Remedios T. Romualdez niadtong Pebrero 6. Usa ang nasamdan sa armadong aksyon.

Samtang, nasakmit sa BHB-Central Negros ang upat ka pistola ug usa ka shotgun sa pagreyd sa balay sa mga aset paniktik sa 62nd IB sa Barangay Malansa, Vallehermoso, Negros Oriental niadtong Pebrero 16. Napatay ang tulo ka aset sa militar human makigpinusilay sa mga operatiba sa BHB.