Unyon sa mga elektrisyan. Mibotar niadtong Abril 3 ang mga mamumuo sa Hypervolt Contractor Corporation sa gilunsad nga certification election pabor sa Hypervolt Workers Union isip lehitimong unyon nga morepresentar kanila sa pakignegosasyon sa maneydsment. Ang Hypervolt usa ka kumpanya nga nagalatag og mga electrical wiring ug mga imprastruktura kalabot niini.

Puasa sa Himamaylan 3. Naglunsad og puasa isip protesta  silang  Ramon Patriarca, NDFP peace consultant, ug mga aktibistang silang CJ Matarlo ug John Michael Tecson (Himamaylan 3) niadtong Marso 30. Kini isip pagdumdum sa maduguong operasyon sa mga pulis ug sundalo o Synchronized Enhanced Managing of Police Operations (SEMPO) sa tulo ka lungsod sa Negros Oriental nga mipatay sa 14 ka mag-uuma sulod 24 ka oras.

Martsa alang sa kamatuuran. Duha ka libong tigsuporta ni Leni Robredo ug mga aktibista ang nagtapok sa Paciano Rizal Park sa Los Baños, Laguna sa programa aron kundenahon ang pagkaylap sa dis-impormasyon ug kabangis nga nagpadayon gikan pa sa diktaduryang Marcos hangtud sa kasamtangan. Mitambong dinhi ang igsuon ni Sen. Leila de Lima nga gibatikos ang padayon nga atake sa rehimen sa iyang mga kritiko.

Pagsukol batok sa pribatisasyon sa Guimba Water District. Gibabagan sa mga residente sa Guimba, Nueva Ecija ang hulgang pribatisasyon sa Guimba Water District (GWD) niadtong Marso 28 atubangan sa upusina niini. Ipailalum ang sistema sa tubig sa usa ka joint-venture agreement (JVA) tali sa PAMANA Water Corporation ug maneydsment sa GWD. Reklamo sa mga residente, palusot lamang ang JVA ug mopadulong ra ngadto sa hingpit nga pribatisasyon sa serbisyo human ang 25 ka tuig.