Giambus sa BHB-Rizal ang tropa sa 80th IB duul sa kampo militar sa Maugraw, Sityo Quinao, Barangay Puray, Rodriguez, Rizal niadtong Marso 26. Duha ka sundalo ang napatay samtang duha usab ang nasamdan.

Matud sa lokal nga yunit sa BHB, tubag ang ambus sa pangayo sa katawhan nga silutan ang mga sundalo nga nagsabwag og teror sa prubinsya lakip ang pinakaulahing pag-aresto sa usa ka Dumagat niadtong Marso 23.

Sa Iloilo, giguba sa mga Pulang manggugubat ang 14 ka motor nga gipanag-iyahan sa mga CAFGU ug regular nga sundalo nga naggwardya sa kumpanyang Century Peak sa Sityo Insobrehan, Barangay Igcabugao, Igbaras niadtong Marso 21. Notoryus ang kumpanya sa paglapas sa katungod sa mga mamumuo niini ug paghikaw sa igong suhulan ug benepisyo.

Gipanghimakak ni Ka Ariston Remus, tigpamaba sa yunit sa BHB, ang gipakaylap sa 3rd ID nga gipanag-iyahan sa mga sibilyan ang maong mga motor.