Sa atubang sang sunud-sunod nga protesta nga ginlunsar sang mga residente sang South Cotabato, ginbaliskad ni Gov. Reynaldo Tamayo Jr. sang Hunyo 3 ang una nga resolusyon sang sangguniang panlalawigan nga pahanugutan nga magbalik ang mapangsamad nga open-pit mining sa prubinsya. Sa iya pahayag sa masunod nga adlaw, ginsiling niya nga gindali-dali ang desisyon kag may kwestyunable nga mga probisyon ang resolusyon.

Wala sang nakita nga rason ang gubernador kon ngaa himuon nga indi epektibo ang pagdumili bangud “madugay na sini nga ginaprotektahan ang pumuluyo sang South Cotabato.”
Bisan pa man, ginkilala niya nga “ultra vires” o lampas sa awtoridad sang pagdumalahan prubinsyal ang pagdumili sa open-pit mining bangud nagaluntad ang isang nasyunal nga kasuguan nga nagapahanugot sini. Ang amo nga mandu (Executive Order 130) ginpagwa ni Rodrigo Duterte sang Abril 2021. Sa sini, gin-ako niya nga wala ini sang epekto sa plano nga pagpadayon sang operasyon sang Sagittarius Mines Inc. nga ginakabig nga pinakamapangwasak sa tanan nga mga operasyon nga open-pit sa prubinsya.

Gindayaw sang mga grupo nga pabor sa kapalibutan, relihiyoso kag pangsektor ang desisyon ni Tamayo. Nagpanawagan sila sa sangguniang panlalawigan nga kilalahon ang desisyon kag respetuhon ang desisyon kag ang pagpamatuk sang linibo nga pumuluyo sang South Cotabato.

Siling ni Leon Dulce sang Kalikasan PNE, dapat bawion sang lokal nga gubyerno ang mga permit nga nagapahanugot sa open-pit nga pagmina sa lugar.

Kabahin sa mga nagprotesta ang dyosisis sang Marbel nga nangako nga magapadayon nga mangin mabinantayon.