Trahedya nga Marcopper, panubli sang diktaduryang Marcos Sr.

,
Ang artikulo nga ini may salhin sa PilipinoEnglishBisaya

Mabilang nga kadalag-an ang desisyon sang Regional Trial Court sa Marinduque sang Mayo 16 nga nagaobligar sa Marcopper Mining Corporation nga magbayad sang danyos nga tubtub ₱10 milyon para sa insidente sang mine spill sang 1993. Pero, indi matumbasan sang bisan ano nga kantidad ang paliwat-liwat kag madugayan nga mga halit nga gindulot sang pagmina sang kumpanya sa pumuluyo sang Marinduque.

Naghalin ang husga sa kaso nga ginpasaka sang 30 indibidwal angut sa pagkawasak sang dam sang kumpanya nga nagresulta sa pagbaha kag pagkasamad sang pangabuhian sang mga residente sang duha ka baryo sa Mogpog, Marinduque.

Nasundan ini sang mas daku nga trahedya sang magguba ang dam sang basura kag naula sa Boac River ang halos 200 milyong tonelada nga makahililo nga kemikal sang Marso 24, 1996. Ang insidente nga ini, nga ginakabig nga pinakamalala sa kasaysayan sang pungsod, may madugayan nga halit sa kabuhi kag pangabuhian sang mga Marinduqueño.

Ang mga trahedya nga gindulot sang Marcoppper lakip sa mga panubli sang diktaduryang Marcos nga tubtub subong ginabatyag sang pumuluyo. Gintukod ang kumpanya sang 1969 gamit ang pondo halin sa Asian Development Bank, nga sadto nagapanag-iya sang 40% sini. Sang 1975, ginpahanugutan ni Ferdinand Marcos Sr. ang kumpanya nga maghaboy sang basura sa Calancan Bay sa pihak sang malapad nga pagpamatuk sang mga residente sa isla. Paagi sa iya mga kroni, ginpanag-iyahan sang diktador ang 49% sang korporasyon. Gamit ang estado-poder, ginpunggan niya ang mga pagpakamalaut kag pagkontra sang pumuluyo sa minahan. Ginsuspendir niya ang mga regulasyon nga pangkapalibutan bisan maathag ang kahalitan nga igadulot sa kaingod nga mga komunidad.

Para sa dugang nga detalye, basahon ang artikulo sa www.cpp.ph

Trahedya nga Marcopper, panubli sang diktaduryang Marcos Sr.