Gilunsad gikan Hunyo 13 sa mga katutubo ug katawhan sa Ecuador ang walay tagal nga Paro Nacional (nasudnong welga) batok sa neoliberal nga mga palisiya nga hinungdan sa ilang kalisud. Sa pagpanguna sa Confederación de Nacionalidades Indígenas (Conaie), usa ka pederasyon sa mga grupong katutubong Ecuadorian, liboan ang midagsang sa lain-laing kadalanan aron pugngan ang pag-agi sa mga sakyanan ug tawo. Giparalisa nila ang kapin 20 ka mayor nga mga dalan.

Lakip sa ilang ginaduso ang pagpaubos ug paglansang sa presyo sa lana (adunay lokal nga produksyon ang nasud), subsidyo alang sa kabus ug uban pang reporma nga sukwahi sa dikta sa International Monetary Fund sa nasud.

Niadtong Hunyo 14, iligal nga giaresto ang presidente sa Conaie nga si Leonardo Iza ug gidetine sulod sa 24 ka oras. Niadtong Hunyo 19, nagdeklara ang presidente sa nasud nga si Lasso Guillermo og state of exception (kapareho sa state of emergency nga duul sa balaod militar) sa tulo ka prubinsya kung asa pinakakusog ang mga protesta.