Samtang naglunang sa kalisud ang mayorya sa katawhang Pilipino tungod sa pagsaka sa presyo sa mga produktong petrolyo, naglutaw sa tubo sa lana ang dagkung imperyalistang bangko ug ahensya sa pinansya ug mga higanteng kumpanya sa lana. Sa milabayng mga semana, mikabat na sa halos ₱100 kada litro ang presyo sa gasolina, doble sa presyo niini pagsugod sa tuig.

Walay puas ang pagduso sa mga imperyalista sa presyo sa lana pinaagi sa ispekulasyon sa merkado, ang ginatawag nga oil futures, o mga kontrata sa pagpalit og lana sa usa ka takdang panahon sa umalabot. Ginasuportahan kini sa dagkung bangko sama sa JP Morgan ug Goldman Sachs ug lain pang mga ahensya sa pinansya (hedge funds) ug pamuhunan (investment houses) nga nagabubu og pondo sa merkado ug pana-panahong nag-anunsyo sa pagsaka sa presyo aron impluwensyahan ang presyo sa mga merkado.

Luyo sa gyera sa Ukraine, walay kakulang sa suplay sa lana o sa kapasidad sa pagrepina sa krudo. Misaka ang presyo sa lana dili tungod kay nagadaku ang gasto sa produksyon, apan aron padak-on ang tubo sa mga kumpanya.

Sa unang kwarto sa tuig, misaka og 300% ngadto sa $35 bilyon ang tubo sa Shell, ExxonMobil, BP, Chevron ug ConocoPhillips, nga lakip sa pinakadakung kumpanya sa kalibutan. Misaka usab og 25% ang kita sa China Petroleum and Chemical Corp., ang pinakadakung kumpanya sa pagrepina sa tibuok Asia, ug lakip sa nag-unang naga-eksport og produktong petrolyo sa Pilipinas.

Mikabo usab og tubo ang mga lokal nga kumpanya sa lana. Sa unang kwarto, mikita ang Petron Corporation og ₱3.6 bilyon (doble sa miaging tuig) samtang ₱3.5 bilyon usab ang kita sa Shell (3 1/2 ulit kumpara sa 2021).

Samtang, wala nay ginahimo gawas nga hatagag rason ang pagsaka sa presyo sa lana, nagabalibad ang gubyernong Duterte nga tangtangon ang gipahamtang niining dugang nga buhis (excise tax) sa lana nga gilaumang maghatud og ₱150 bilyong sa porsyentuhang karung tuiga.

Presyo sa lana, paubsan!

Nagprotesta ang mga drayber sa pagpanguna sa Piston atubangan sa gasolinahan sa Petron sa Quezon City ug Valenzuela City aron kundenahon ang suling na usab nga pagsaka sa presyo sa lana niadtong Hunyo 7 ug 14. Lima ka beses nang misaka ang presyo sa lana gikan sa ulahing huling semana sa Mayo. Gibira niini pataas ang presyo sa gasolina og hangtud ₱100 kada litro sa pipila ka lugar.