Sa pinakaunang higayon, napili sa Colombia ang usa ka presidente nga giilang maki-Wala ug anti-neoliberalismo. Midaug sa eleksyon niadtong Hunyo 19 si Gustavo Petro, kauban ang iyang bise-presidente nga si Francia Marquez. Ginatandi siya sa mga bag-ohay lang usab napili nga anti-imperyalistang presidente sa Chile, Honduras ug Peru.

Dugay nga nagsilbing meyor sa Bogota, nasudnong sentro sa nasud, si Petro. Naila usab siya isip kanhing myembro sa M-19, usa ka armadong gerilyang grupo, nga misukol sa gubyerno sa dekada 1980. Si Marquez usab naila isip aktibistang maki-kinaiyahan.